Heimir: Þeir gerðu vel í að hægja á tempói og drepa leikinn
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Þeir gerðu vel í að hægja á tempói og drepa leikinn og komu með það plan að halda okkur í núllinu og gerðu það vel. Það sem vantaði hjá okkur var meira tempó á boltann og svo komumst við í margar góðar stöður en vorum einfaldlega ekki að nýta þær," sagði Heimir Guðjónsson, þjálfari FH, eftir markalaust jafntefli á Kaplakrikavelli í kvöld.
Meðalaldur byrjunarliðs FH var í dag 23 ár. Margir ungir leikmenn eru að fá tækifærið hjá þeim.
„FH er alltaf liðið fyrir unga leikmenn. VIð erum frábæra aðstöðu hérna og ungt lið og leikmenn sem vilja vera betri og við getum hjálpað þeim að vera betri."
FH situr í 10. sæti Bestu deildar karla eftir tíu leiki en nú tekur við landsleikjahlé.
„Byrjunin var ekki góð en þetta hefur orðið betra og betra hjá okkur hægt og bítandi. Það er líka þannig að deildin er rosalega jöfn. Við vorum í fallsæti, svo unnum við tvo leiki og vorum komnir í sjöunda sætið," sagði Heimir að lokum.
Viðtalið í heild má nálgast í spilaranum að ofan.
