„Ég er ekkert smá skúffaður að gera jafntefli, það er í raun eins og tap fyrir okkur. Við byrjum þennan leik frábærlega, það var bara eitt lið á vellinum, spiluðum rábærlega, plús á alla strákana. Svo er bara fáránlegur dómur, algjörlega fáránlegt. En það er bara svona, stórt hrós á liðið," sagði Samúel Kári Friðjónsson, leikmaður Stjörnunnar, eftir jafntefli gegn KA í 10. umferð Bestu deildarinnar í dag.
Dómurinn sem hann nefnir þarna er brottvísun Alex Þórs Haukssonar undir lok fyrri hálfleiks.
Dómurinn sem hann nefnir þarna er brottvísun Alex Þórs Haukssonar undir lok fyrri hálfleiks.
Lestu um leikinn: KA 1 - 1 Stjarnan
„Ég þarf að sjá það aftur fyrst, en það skiptir ekki máli. Við héldum bara áfram, spiluðum vel og þeir opnuðu okkur ekki einu sinni. Eina sem þeir gerðu var að krossa boltanum og við díluðum við það."
KA menn vildu fá víti og væntanlega rautt með því þegar Bjarni Aðalsteinsson átti skot sem fór í hönd Samúels inn á vítateig Stjörnunnar á 60. mínútu leiksins. Samúel svaraði hreinskilnislega þegar hann var spurður út í þetta atvik.
„Þetta er bara víti, það vissu það allir. Ég var bara klárlega heppinn."
„Klárlega svekkjandi að þeir hafi náð að jafna, biddu fyrir þér ef við hefðum verið ellefu inn á vellinum."
Samúel var spurður nánar út í atvikið, hefði komið á óvart að sjá rautt fara á loft eftir að boltinn fór í höndina?
„Ég veit ekki hvernig reglan er, ég efast um að skot í hönd sé beint rautt, en ég veit það ekki alveg. Þetta var klárlega víti, það sjá það allir," sagði Samúel. Viðtalið í heild má nálgast í spilaranum efst.
