Fótbolti.net

Hemmi Hreiðars: Rosalegur karakterssigur

Aðalsteinn Jóhann: Ég hef ekki hugmynd um það

Gylfi Þór: Vonandi verður þetta jákvætt í lok tímabilsins

Lárus Orri: Frekar fúllt að labba héðan í burtu með ekkert stig

Eyjamenn stöðvuðu blæðinguna - „Maður er búinn að bíða eftir því"

Sölvi Geir: Ætla að vona að þetta sé að einhverju leyti vellinum að kenna

Haraldur Einar: Vaknaði ferskur og írskir dagar

Davíð Smári ósáttur með stóra ákvörðun - „Ofboðslega sorglegt"

Rúnar Kristins: Ég skaut fastar en hann bæði með hægri og vinstri

Valsmenn fengu góðan stuðning á Ísafirði - „Það skiptir máli"

Freysi Sig: Hinn Hornfirski Messi

Jóhann Birnir: Þurfum að vera með fókus á það sem við erum að gera

Árni Freyr: Vorum litlir í okkur og náðum ekki að höndla svona barning

Bergvin stóð við stóru orðin - „Gaman að hafa smá banter í þessari deild"

Gunnar Már: Það var eins og við vorum manni færri

Gústi Gylfa: Rautt spjald snýst ekkert um agavandamál

Farið á þrjú stórmót og þetta er besta umhverfið

„Hvað gerðist ekki í þeim leik?"

Ræða forsetans gladdi - „Við sögðum allt sem lá á hjartanu"

Sveindís: Veit ekki hvort þeir hafi séð þetta fyrir sér fyrir nokkrum árum

mán 01. nóvember 2021 16:05

Sæbjörn Þór Þórbergsson Steinke

Dagur Dan: Leist bara langbest á Breiðablik

Dagur Dan Þórhallsson

Mynd: Fótbolti.net - Hafliði Breiðfjörð

Dagur Dan Þórhallsson skrifaði undir hjá Breiðabliki í síðustu viku og var tilkynntur sem nýr leikmaður félagsins á föstudag. Dagur lék með Fylki á láni í sumar og Breiðablik kaupir hann af norska félaginu Mjöndalen.

„Mér líst frábærlega á að vera kominn í Breiðablik. Þetta er mjög stór klúbbur á Íslandi, það er virkilega gaman og spennandi tímar framundan. Ég var búinn að heyra eitthvað af viðræðunum í smá tíma en ég vissi aldrei af neinu fyrr en bara þegar þetta var komið í gegn," sagði Dagur.

,Það var rætt við 2-3 félög í viðbót og mér leist bara langbest á Breiðablik. Mig langar að ná eins langt og ég get, mig langar að komast í atvinnumennsku og Blikar hafa skilað mönnum þangað síðustu ár. Þeir eru með rosalega háan standard af leikmönnum og gæðum. Eftir að ég kom og talaði við stjórnarmenn og leikmenn þá fannst mér þetta „no brainer"."

Áttiru einhver samtöl við Óskar [Hrafn Þorvaldsson, þjálfara] sem sannfærði þig um að þetta væri rétta skrefið?

„Ekki beint, ég myndi ekki segja það. Ég eiginlega hoppaði bara beint út í þetta án þess að hugsa, mér fannst þetta það heillandi. Ég veit að þetta er gríðarlega sterkur hópur og ekkert gefið í þessu."

Tímabilið hjá Fylki var ekki gott. Liðið endaði í neðsta sæti Pepsi Max-deildarinnar og leikur í næstefstu deild næsta sumar. Dagur ræddi um síðasta tímabil og má sjá svör hans í spilaranum að ofan.

Dagur var skráður með þriggja ára samning við Fylki samkvæmt vefsíðu knattspyrnusambandsins. Hvernig var staðan á þínum samningsmálum?

„Ég átti samning út næsta ár hjá Mjöndalen. Ég skrifaði undir hálfs árs lánssamning við Fylki og Fylkir hafði forkaupsrétt á mér. Við og Mjöndalen ákváðum að best væri að leita eitthvert annað. Það var allt gert á mjög góðum nótum, Fylkir er mjög góður klúbbur og ekkert vont um hann að segja."

Stóð einhvern tímann til að Fylkir myndi kaupa þig?

„Við ræddum það ekkert heldur var bara sagt að það væri fínt að fara í sitthvora áttina, ég og félagið. Það var verðmiði á mér sem lið í 1. deild myndu vilja borga. Breiðablik er að kaupa mig frá Mjöndalen."

Í lok viðtals var Dagur spurður aðeins út í æfingarnar með U21 árs landsliðinu.