Leikmenn KFA fóru á kostum í fyrsta leiknum í 2. deild karla er þeir slátruðu Kormáki/Hvöt, 8-1, í Fjarðabyggðarhöllinni í dag.

Unnar Ari Hansson kom KFA-mönnum í forystu á 6. mínútu en gestirnir voru ekki lengi að svara fyrir sig, með marki aðeins tíu mínútum síðar er Akil Rondel Dexter De Freitas jafnaði metin.

Jacques Bayo, einn af nýjum mönnum KFA, gerði sitt fyrsta deildarmark fyrir liðið á 20. mínútu og bætti Patrekur Aron Grétarsson við öðru sjö mínútum síðar.

Gestirnir misstu Moussa Ismael Sidibe Brou af velli með rautt spjald eftir hálftímaleik og áttist það eftir að reynast þeim þungur róður þegar haldið var inn í síðari hálfleikinn.

Hrafn Guðmundsson, sem kom á láni frá Stjörnunni fyrir gluggalok, kom inn af bekknum í þeim síðari og var ekki lengi að láta að sér kveða. Hann skoraði tvö mörk á rúmri mínútu áður en Matheus Bissi Da Silva bætti við sjötta markinu.

Bayo gerði annað mark sitt á 86. mínútu áður en Hrafn fullkomnaði þrennu sína í uppbótartíma.

Stórkostleg frammistaða KFA sem gat ekki beðið um betri byrjun á mótinu.

KFA Milan Jelovac (m), Unnar Ari Hansson, Matheus Bissi Da Silva, Geir Sigurbjörn Ómarsson, Eggert Gunnþór Jónsson, Nikola Kristinn Stojanovic (75'), Jacques Bayo Mben, Marteinn Már Sverrisson (66'), Ólafur Bernharð Hallgrímsson (66'), Patrekur Aron Grétarsson (66'), Jawed Abd El Resak Boumeddane (75')
Varamenn Danny El-Hage, Arkadiusz Jan Grzelak (66'), Adam Örn Guðmundsson (75'), Arnar Bjarki Björgvinsson, Javier Montserrat Munoz (75'), Hrafn Guðmundsson (66'), Nenni Þór Guðmundsson (66')

Kormákur/Hvöt Simon Zupancic (m), Sigurður Pétur Stefánsson, Acai Nauset Elvira Rodriguez, Helistano Ciro Manga (80'), Matheus Bettio Gotler, Marko Zivkovic, Moussa Ismael Sidibe Brou, Goran Potkozarac, Abdelhadi Khalok El Bouzarrari, Juan Carlos Dominguez Requena, Akil Rondel Dexter De Freitas (46')
Varamenn Dominic Louis Furness, Kristinn Bjarni Andrason (46), Sigurður Bjarni Aadnegard (80), Hlib Horan, Haukur Ingi Ólafsson, Arnór Ágúst Sindrason, Sigurjón Bjarni Guðmundsson