Leedsarar þurftu aðeins sigur til þess að tryggja deildartitilinn þar sem liðið var með töluvert betri markatölu en Burnley, sem var með jafnmörg stig fyrir leikina í dag.

Guðlaugur Victor var á sínum stað í byrjunarliði Plymouth og fengu hans menn draumabyrjun er Sam Byram stýrði boltanum í eigið net á 18. mínútu.

Leeds marki undir og á þessum tímapunkti var Burnley að fara vinna deildina.

Yfirburðir Leeds voru miklir og tókst liðinu að nýta þá betur í þeim síðari. Wilfried Gnonto jafnaði metin á 53. mínútu leiksins og titillinn aftur kominn í augsýn.

Vandamálið var hins vegar það að Burnley var þá að vinna Millwall, 2-1, og þurftu Leedsarar því að finna sigurmark til þess að tryggja sér titilinn.

Ísraelinn Manor Solomon var maðurinn sem sá til þess að tryggja Leedsurum titilinn. Solomon keyrði inn í vítateiginn, mundaði skotfótinn og stýrði boltanum neðst í hægra hornið. Í sömu andrá bætti Burnley við þriðja marki sínu, en það var ekki nóg til að vinna upp markamun Leeds.

Leeds er B-deildarmeistari í ár með 100 stig og 65 mörk í plús á meðan Burnley endaði með 53 mörk í plús. Magnaðri titilbaráttu lokið.

Tap Plymouth staðfesti endanlega fall liðsins niður í C-deildina eftir hetjulega baráttu seinni hluta tímabilsins. Stefán Teitur Þórðarson og hans menn í Preston björguðu sér frá falli með því að gera 2-2 jafntefli við Bristol City. Stefán spilaði síðustu tuttugu mínútur leiksins.

Luton Town, sem lék í ensku úrvalsdeildinni á síðasta tímabili, féll niður um deild annað árið í röð er liðið tapaði fyrir WBA, 5-3, á Hawthornes.

Sheffield United, Sunderland, Coventry og Bristol City eru öll komin í umspil um sæti í úrvalsdeildina.

Undanúrslitin:
Sheffield United - Bristol City
Sunderland - Coventry City

Úrslit og markaskorarar:

Bristol City 2 - 2 Preston NE
0-1 Emil Riis Jakobsen ('28 )
0-2 Milutin Osmajic ('60 )
1-2 Ross Mccrorie ('69 )
2-2 Ross Mccrorie ('74 )

Burnley 3 - 1 Millwall
0-1 Mihailo Ivanovic ('11 )
1-1 Josh Brownhill ('13 )
2-1 Jaidon Anthony ('65 )
3-1 Josh Brownhill ('90 )

Coventry 2 - 0 Middlesbrough
1-0 Jack Rudoni ('44 )
2-0 Jack Rudoni ('88 )

Derby County 0 - 0 Stoke City

Norwich 4 - 2 Cardiff City
1-0 Marcelino Nunez ('13 )
2-0 Marcelino Nunez ('17 )
3-0 Borja Sainz ('23 )
3-1 Yousef Salech ('56 , víti)
4-1 Shane Duffy ('67 )
4-2 Yousef Salech ('84 )
Rautt spjald: Calum Chambers, Cardiff City ('16)

Plymouth 1 - 2 Leeds
1-0 Sam Byram ('18 , sjálfsmark)
1-1 Wilfried Gnonto ('53 )
1-2 Manor Solomon ('90 )

Portsmouth 1 - 1 Hull City
0-1 Matt Crooks ('18 )
1-1 Christian Saydee ('55 )

Sheffield Utd 1 - 1 Blackburn
0-1 Yuki Ohashi ('50 )
1-1 Anel Ahmedhodzic ('59 )

Sunderland 0 - 1 QPR
0-1 Nicolas Madsen ('5 )

Swansea 3 - 3 Oxford United
1-0 Ji-sung Eom ('23 )
1-1 Greg Leigh ('40 )
2-1 Ronald Pereira Martins ('57 )
2-2 Michal Helik ('62 )
3-2 Liam Cullen ('82 )
3-3 Przemyslaw Placheta ('90 )

Watford 1 - 1 Sheffield Wed
0-1 Josh Windass ('29 )
1-1 Moussa Sissoko ('45 )

West Brom 5 - 3 Luton
1-0 Tom Fellows ('7 )
1-1 Millenic Alli ('9 )
2-1 Daryl Dike ('30 )
3-1 Tom Fellows ('33 )
4-1 Callum Styles ('57 )
5-1 Callum Styles ('61 )
5-2 Jordan Clark ('65 )
5-3 Millenic Alli ('88 )