HúbbaBúbba og KSÍ hafa náð samningi um að tónlistartvíeykið semji lag fyrir EM kvenna sem fram fer í Sviss í sumar.
Fótboltamennirnir Eyþór Aron Wöhler og Kristall Máni Ingason mynda tvíeykið sem hefur vakið mikla athyli síðustu misseri. Myndband við lagið verður gefið út eftir viku en EM fer fram í júlí. Ísland verður í riðli með Finnlandi, Noregi og heimakonum í Sviss. Ísland mætir Finnlandi 2. júlí í Thun, heimakonum í Bern þann 6. júlí og svo Noregi 10. júlí í Thun. Efstu tvö liðin í riðlinum fara áfram í 8-liða úrslit keppninnar.
Fótbolti.net ræddi við Eyþór um lagið.
„Lagið er gert í samstarfi við KSÍ og vonandi fáum við kallið út til Sviss þegar að því kemur. Við vildum skapa eitthvað sem nær hjarta þjóðarinnar – lag sem peppar stelpunar okkar í liðinu og kveikir neista hjá fólki heima fyrir. Við Kristall hugsuðum með okkur að við vildum ekki gera týpíska stuðningsmannalagið. Menn eru orðnir hundleiðir á því. Við ákváðum að setja ferskan tón inn inn í lagið með góðum takti, glæsibrag og léttleika. Snilldin við lagið er að þú getur sungið með, sama hvort þú sért á Laugardalsvelli, fastur í umferð á leið í vinnuna eða að berjast við síðustu endurtekninguna í ræktinni. Ekki skemmir fyrir að við fengum stelpurnar í tónlistarmyndbandið líka sem verður frumsýnt 9.maí, frábært að vinna með þeim og KSÍ," segir Eyþór.
„Við finnum allaveganna báðir að það er einhver óútskýranleg tilfinning í loftinu. Það er eitthvað stórt í vændum hjá stelpunum okkar. Þær eru að fara að skrifa nýjan kafla í söguna," bætir hann við.
Fótboltamennirnir Eyþór Aron Wöhler og Kristall Máni Ingason mynda tvíeykið sem hefur vakið mikla athyli síðustu misseri. Myndband við lagið verður gefið út eftir viku en EM fer fram í júlí. Ísland verður í riðli með Finnlandi, Noregi og heimakonum í Sviss. Ísland mætir Finnlandi 2. júlí í Thun, heimakonum í Bern þann 6. júlí og svo Noregi 10. júlí í Thun. Efstu tvö liðin í riðlinum fara áfram í 8-liða úrslit keppninnar.
Fótbolti.net ræddi við Eyþór um lagið.
„Lagið er gert í samstarfi við KSÍ og vonandi fáum við kallið út til Sviss þegar að því kemur. Við vildum skapa eitthvað sem nær hjarta þjóðarinnar – lag sem peppar stelpunar okkar í liðinu og kveikir neista hjá fólki heima fyrir. Við Kristall hugsuðum með okkur að við vildum ekki gera týpíska stuðningsmannalagið. Menn eru orðnir hundleiðir á því. Við ákváðum að setja ferskan tón inn inn í lagið með góðum takti, glæsibrag og léttleika. Snilldin við lagið er að þú getur sungið með, sama hvort þú sért á Laugardalsvelli, fastur í umferð á leið í vinnuna eða að berjast við síðustu endurtekninguna í ræktinni. Ekki skemmir fyrir að við fengum stelpurnar í tónlistarmyndbandið líka sem verður frumsýnt 9.maí, frábært að vinna með þeim og KSÍ," segir Eyþór.
„Við finnum allaveganna báðir að það er einhver óútskýranleg tilfinning í loftinu. Það er eitthvað stórt í vændum hjá stelpunum okkar. Þær eru að fara að skrifa nýjan kafla í söguna," bætir hann við.
Athugasemdir
