Fullt nafn: Unnar Ari Hansson

Gælunafn: Unni, Unnsi, Unnsari. Ég hef reynt að festa U-Hundurinn á sjálfan mig með litlum árangri

Aldur: 28 ára í nóv

Hjúskaparstaða: Í sambúð með minni heittelskuðu.

Hvenær lékstu þinn fyrsta leik með meistaraflokki og er eitthvað minnisstætt úr leiknum: Það var 14.09.2013 á Búðagrund, Leiknir F vs Fjarðabyggð. Izudin Daði Dervic kóngurinn henti mér inná í stöðunni 5-1 fyrir KFF og sagði mér að breyta leiknum. Allt kom fyrir ekki og leikurinn endaði 5-1.

Uppáhalds drykkur: A pint of Guiness please.

Uppáhalds matsölustaður: Haninn - 1/2 kjúlli með grjónum, lemon&herb sósa og extra lemon&herb yfir grjónin. Það er stöngin inn.

Uppáhalds tölvuleikur: Call of duty

Áttu hlutabréf eða rafmynt: Nei

Uppáhalds sjónvarpsþáttur: Brooklyn Nine Nine eða The Office

Uppáhalds tónlistarmaður: Úlfarnir tveir frá Sauðárkróki

Uppáhalds hlaðvarp: Dr.Football og Steve Dagskrá

Uppáhalds samfélagsmiðill: Tiktok því miður.

Fyrsta síðan sem þú ferð á þegar þú opnar netið: fotbolti.net

Fyndnasti Íslendingurinn: Ég hef ofboðslega gaman af Sveppa

Hvernig hljómar síðasta sms sem þú fékkst: Já

Hvaða liði myndir þú aldrei spila með: Myndi segja Fjarðabyggð þegar það var og hét en í dag er það ekki til lengur. Þannig þarf ekki að hafa áhyggjur af því.

Besti leikmaður sem þú hefur mætt: Pablo Punyed í KR. Ég er enn að snúast í hringi á eftir honum.

Besti þjálfarinn sem hefur þjálfað þig: Hermann Hreiðarsson

Mest óþolandi leikmaður sem þú hefur mætt: Stórvinur minn Andy Pew. Spilaði oft á móti honum áður en við urðum samherjar og alltaf hélt ég að hann væri búinn og við ætluðum heldur betur að herja á hann en svo var hann bara alltaf besti maður vallarins. Auk þess að geta rifið virðingarverðan kjaft.

Hver var fyrirmyndin þín í­ æsku: T.Henry

Sætasti sigurinn: 3-1 sigur í lokaleik 2019 á Eskjuvelli, Fjarðabyggð vs Leiknir Fásk. Tryggðum okkur sigur í 2.deildinni með þeim sigri. Það var gaman.

Mestu vonbrigðin: Að vinna ekki 2.deildina með KFA 2023.

Uppáhalds lið í enska: Arteta's Army!!!!!

Ef þú fengir að velja einn leikmann úr öðru íslensku liði í þitt lið: Verð að velja tvo. Dag Inga Valsson leikmann KA og sömuleiðis Ásgeir Pál Magnússon leikmann Keflavíkur. Fá þessa grísi heim í heiðardalinn.

Efnilegasti fótboltamaður/kona landsins: Frændi minn Alexander Rafn Pálmason. Ekki spurning. Shoutout á liðsfélaga minn Nenna Þór Guðmundsson líka - sá er góður.

Fallegasti fótboltamaðurinn á Íslandi: Gylfi Örn Á. Öfjörð.

Fallegasta fótboltakonan á Íslandi: Þórdís Hrönn Sigfúsdóttir.

Besti fótboltamaðurinn frá upphafi: Bukayo Saka

Ein regla í fótbolta sem þú myndir breyta: Myndi banna það að standa í rangstöðunni þegar aukaspyrna er tekin.

Uppáhalds staður á Íslandi: 750 Fáskrúðsfjörður.

Segðu okkur frá skemmtilegu atviki sem gerst hefur í leik: Árið er 2021. Ég sæki Sigurð Bond vin minn heim til sín fyrir leik Þróttar Vogum gegn mínum gömlu félugum í Leikni F. Bondarinn kemur útí bíl með lepp, eineygður. Fékk sýkingu í augað kallinn. Biður mig svo um að stoppa á bæjarins bestu á Dalveginum á leiðinni í Vogana þar fær hann sér 2 pulsur og kók. Allt í járnum í leiknum staðan er 0-0 og á 78min skokkar Bondarinn inná, eineygður með 2 pullur og kók í maganum. Fiskar víti og skorar úr því á 81 min og leggur svo upp 2-0 markið stuttu síðar. Magnaður kappi.

Ertu með einhverja hjátrú tengda fótbolta: Hef reynt allskonar rembing en ekkert stickað, eðlilega þetta er þvæla.

Fyrir utan fótbolta, fylgist þú með öðrum íþróttum: Úrslitakeppni í körfunni og handbolta.

Í hvernig fótboltaskóm spilar þú: Nike Tiempo

Í hverju varstu/ertu lélegastur í­ skóla: Að halda kjafti.

Vandræðalegasta augnablik: Lenti einu sinni í því með hann Izudin Daða Dervic kónginn að ég hélt að hann væri að kalla í mig til að koma inná. Ég mæti illa gíraður, kominn í búning og allt klárt. Þá ætlaði hann bara ekkert að kalla í mig, svo ég bara klæddi mig aftur og hélt áfram að hita upp þar til leiknum lauk. Það var vont.

Hvaða þremur leikmönnum byðir þú í mat og af hverju: Ég býð Atla Degi Ásmundssyni leikmanni FC Árbæ vegna þess að það er snillingur, Aron Gauta Magnússyni fyrirverandi leikmanni Vals vegna þess að það er einfaldlega snillingur og Garðari Loga Ólafssyni fyrverandi leikmanni Ægis vegna þess að jú það er algjör snillingur. Ætli ég bjóði ekki bara í þetta matarboð fljótlega svona þegar ég pæli í því.

Bestur/best í klefanum og af hverju: Ólafur Bernharð Hallgrímsson. Hann er 10x vitlausari en hann lítur út fyrir að vera. Topp köttur.

Hvern í liðinu þínu myndirðu velja til að taka þátt í sjónvarpsþáttaröð: Patrekur Aron Grétarsson færi í Love Island og yrði sendur heim í fyrsta þætti því miður.

Sturluð staðreynd um sjálfan þig: Hef farið 3x upp úr 2.deild og 3x fallið úr Lengjudeild.

Hvaða samherji hefur komið þér mest á óvart eftir að þú kynntist honum og af hverju: Það hlýtur að vera Hlynur Bjarnason vinur minn. Hélt hann væri hundleiðinlegur en svo var hann bara algjör toppmaður - ótrúlegt en satt. Kom mér þvílikt á óvart.

Hverju laugstu síðast: Að ég væri bara að leggja af stað. Ekki kominn í skó.

Hvað er leiðinlegast að gera á æfingum: Varnarfærslur og þessháttar stöff.

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Myndi spyrja spyrja Björgvin Snæ Ólafsson fyrverandi markmann Leiknis F hvernig maður brúnar eiginlega kartöflur?

Einhver skilaboð til stuðningsmanna fyrir sumarið: Mæta á völlinn og vera með læti. Þetta verður veisla!!!!