„Ég veit ekki alveg hvort þetta sé mín besta stund á ferlinum en ég vil auðvitað skora mörk. Ég er mjög ánægður; góður útisigur í Meistaradeildinni, góð stund og gott kvöld."

Jota ræddi við BT Sport og var hann spurður að því hvaða mark væri í uppáhaldi af mörkunum þremur. „Fyrsta markið, því það opnar leikinn. Það er mikilvægt að skora fyrsta markið."

Jota naut sín vel með Mohamed Salah og Sadio Mane í fremstu víglínu. „Þeir eru tveir leikmenn í heimsklassa og gæði þeirra gera starf mitt auðveldara. Þeir eru framúrskarandi og áttum við frábæran leik saman."

Næsti leikur Liverpool er gegn Man City. „Við tökum þessi fimm mörk með okkur, það gerist ekki oft að þú skorar fimm mörk í einum leik. Við héldum líka hreinu og ef við gerum það gegn City, þá vinnum við leikinn."