Lyngby að ganga frá kaupum á Sævari Atla
Sævar Atli Magnússon.
Mynd: Fótbolti.net - Haukur Gunnarsson
Sævar Atli Magnússon.
Mynd: Fótbolti.net - Haukur Gunnarsson
Danska félagið Lyngby er að ganga frá kaupum á sóknarmanninum Sævari Atla Magnússyni, fyrirliða og sóknarmanni Leiknis, samkvæmt heimildum Fótbolta.net.
Sævar Atli, sem er 21 árs, mun fljúga til Danmerkur á morgun þar sem hann mun gangast undir læknisskoðun.
Leiknir og Lyngby hafa verið í viðræðum að undanförnu og þær hafa nú skilað árangri.
Sævar Atli, sem er 21 árs, mun fljúga til Danmerkur á morgun þar sem hann mun gangast undir læknisskoðun.
Leiknir og Lyngby hafa verið í viðræðum að undanförnu og þær hafa nú skilað árangri.
Sævar hefur verið magnaður með Leiknismönnum á tímabilinu og skorað tíu mörk í þrettán leikjum í Pepsi Max-deildinni.
Áætlað var að hann myndi ganga í raðir Breiðabliks eftir tímabilið en nú stefnir í að ekkert verði af því.
Freyr Alexandersson, fyrrum leikmaður og þjálfari Leiknis, er þjálfari Lyngby sem hefur farið vel af stað í dönsku B-deildinni og unnið báða leiki sína til þessa. Í kvöld vann liðið 9-0 sigur gegn Österbro í danska bikarnum.
Áætlað var að hann myndi ganga í raðir Breiðabliks eftir tímabilið en nú stefnir í að ekkert verði af því.
Freyr Alexandersson, fyrrum leikmaður og þjálfari Leiknis, er þjálfari Lyngby sem hefur farið vel af stað í dönsku B-deildinni og unnið báða leiki sína til þessa. Í kvöld vann liðið 9-0 sigur gegn Österbro í danska bikarnum.
