Florian Plettenberg hjá Sky í Þýskalandi greinir frá því að Stuttgart hafi hafnað 40 milljón evru tilboði frá Bournemouth í kantmanninn sinn, Jamie Leweling.
Leweling er 24 ára gamall og hefur komið að 11 mörkum í 24 leikjum á fyrri hluta tímabils. Hann er orðinn mikilvægur hlekkur í byrjunarliði Stuttgart og hefur félagið engan áhuga á því að selja í janúar.
Leweling er með 4 landsleiki að baki fyrir Þýskaland eftir að hafa verið mikilvægur hlekkur í U21 liðinu.
Hann er með þrjú og hálft ár eftir af samningi við Stuttgart og er óljóst hversu háa upphæð þýska félagið vill fá til að selja kantmanninn í janúar. Stuttgart er í harðri baráttu um meistaradeildarsæti í deildinni auk þess að keppa í þýska bikarnum og Evrópudeildinni og því er mikið leikjaálag framundan.
Bournemouth vill kaupa Leweling til að hjálpa við að fylla í skarðið sem Antoine Semenyo skilur eftir með félagaskiptum sínum til Manchester City.
Athugasemdir
