Leicester City er búið að reka Martí Cifuentes úr þjálfarastarfinu eftir innan við sjö mánuði frá ráðningu.
Cifuentes skrifaði undir þriggja ára samning í júlí en hefur núna verið rekinn eftir arfaslakt gengi á tímabilinu. Leicester er í 14. sæti Championship deildarinnar eftir fall úr úrvalsdeildinni í fyrra, en markmið tímabilsins var að fara beint aftur upp í deild þeirra bestu.
Cifuentes er rekinn eftir 2-1 tap gegn Oxford en Leicester vann aðeins 10 deildarleiki af 29 undir hans stjórn.
Leicester á þó enn góða möguleika á að berjast um sæti í efstu deild þar sem liðið er aðeins sex stigum frá umspilssæti, en þó níu stigum frá fallsæti í afar jafnri deild.
Andy King tekur við stjórn á Leicester í næstu leikjum þar til nýr þjálfari finnst.
Cifuentes var áður þjálfari QPR eftir að hafa gert góða hluti í Skandinavíu. Hann þjálfaði Hammarby í Svíþjóð, AaB í Danmörku og Sandefjord í Noregi.
25.01.2026 14:44
Gæti fengið sparkið frá Leicester
Athugasemdir
