Eyjamaðurinn var á miðsvæði Hearts í leiknum. Celtic komst yfir en Hearts jafnaði snemma í síðari hálfleiknum áður en Yang Hyun-Jun kom Celtic aftur yfir.

Tómas sá gula spjaldið á 65. mínútu og var tekinn af velli nokkrum mínútum síðar.

Auston Trusty, leikmaður Celtic, sá rauða spjaldið á 77. mínútu og um það bil tíu mínútum síðar náðu Hearts-menn í mikilvægt jöfnunarmark.

Hearts er áfram á toppnum með 51 stig, sex stigum meira en Celtic sem er í þriðja sæti. Rangers er síðan í öðru sæti með 47 stig eftir að hafa unnið Dundee, 1-0.

Hörður Björgvin Magnússon lék allan leikinn í hjarta varnarinnar hjá Levadiakos sem náði í sterkt stig í 2-2 jafntefli gegn Aris í Thessaloniki í grísku úrvalsdeildinni.

Levadiakos lenti tvisvar undir í leiknum en kom tvisvar til baka og kom seinna jöfnunarmarkið seint í uppbótartíma er kýpverski landsliðsmaðurinn Ioannis Kosti stakk sér á milli tveggja varnarmanna, sólaði markvörðinn og lagði boltann í netið.

Aris hefur aðeins tapað einum leik á heimavelli sínum á tímabilinu og virða leikmenn Levadiakos eflaust stigið.

Góð úrslit fyrir Levadiakos sem er áfram í 4. sæti með 35 stig, sem gefur þáttökurétt í Evrópu, en Panathinaikos, fyrrum félag Harðar, er tíu stigum á eftir í 5. sætinu.

Brynjólfur Andersen Willumsson kom inn af bekknum hjá Groningen sem tapaði fyrir Fortuna Sittard, 2-1, í hollensku úrvalsdeildinni.

Groningen er í 7. sæti með 31 stig.