Manchester City er að stinga af í ensku ofurdeildinni eftir nauman sigur á útivelli gegn London City Lionesses í dag.
Vivianne Miedema og Kerolin tengdu saman til að skora fyrsta mark leiksins í fyrri hálfleik en Kosovare Asllani lagði upp jöfnunarmark London City í síðari hálfleiknum.
Staðan hélst jöfn allt þar til á lokamínútunum þegar hin feykiöfluga Khadija Shaw gerði það sem reyndist sigurmark leiksins. Lokatölur 1-2.
Man City er á ótrúlegri siglingu og er komið með níu stiga forystu í titilbaráttunni, þegar aðeins þrettán umferðir eru búnar af tímabilinu. Chelsea og Arsenal sem eru í öðru og þriðja sæti hafa verið að misstíga sig.
Í öðrum leikjum dagsins tapaði Leicester á heimavelli gegn West Ham United en Hlín Eiríksdóttir var ekki með vegna meiðsla.
Þetta er afar dýrmætur sigur fyrir Hamrana í fallbaráttunni þar sem liðið er aðeins einu stigi fyrir ofan botnlið Liverpool, sem vann sinn leik í dag.
Liverpool lagði Tottenham óvænt að velli og er með 7 stig eftir 13 umferðir. West Ham er með 8 stig og Leicester með 9 stig í spennandi fallbaráttu.
Að lokum vann Manchester United auðveldlega á útivelli gegn Aston Villa. Man Utd er í fjórða sæti með 25 stig eftir 13 umferðir, einu stigi á eftir Arsenal og tveimur á eftir Chelsea.
London City 1 - 2 Man City
0-1 Kerolin ('11)
1-1 Freya Godfrey ('68)
1-2 Khadija Shaw ('86)
Aston Villa 1 - 4 Man Utd
Liverpool 2 - 0 Tottenham
Leicester 1 - 2 West Ham
Stöðutaflan
England
England - konur
England
England - konur
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Manchester City W | 13 | 12 | 0 | 1 | 36 | 11 | +25 | 36 |
| 2 | Chelsea W | 13 | 8 | 3 | 2 | 24 | 8 | +16 | 27 |
| 3 | Arsenal W | 13 | 7 | 5 | 1 | 25 | 10 | +15 | 26 |
| 4 | Man Utd W | 13 | 7 | 4 | 2 | 28 | 14 | +14 | 25 |
| 5 | Tottenham W | 13 | 7 | 2 | 4 | 17 | 18 | -1 | 23 |
| 6 | Brighton W | 13 | 5 | 2 | 6 | 16 | 15 | +1 | 17 |
| 7 | Aston Villa W | 13 | 4 | 4 | 5 | 17 | 23 | -6 | 16 |
| 8 | London City Lionesses W | 13 | 5 | 1 | 7 | 15 | 23 | -8 | 16 |
| 9 | Leicester City W | 13 | 2 | 3 | 8 | 8 | 23 | -15 | 9 |
| 10 | Everton W | 13 | 2 | 2 | 9 | 14 | 25 | -11 | 8 |
| 11 | West Ham W | 13 | 2 | 2 | 9 | 11 | 30 | -19 | 8 |
| 12 | Liverpool W | 13 | 1 | 4 | 8 | 10 | 21 | -11 | 7 |
Athugasemdir
