„Sýnir hversu ofboðslega mikið Manchester United saknar Paul Pogba"

„Þetta sýnir hversu ofboðslega mikið Manchester United saknar Paul Pogba. Þetta er rosaleag varnarsinnuð miðja, Fred og Matic, sem skapar lítið. Þá væri rosalega fínt að hafa Pogba með öðrum hvorum þeirra og Bruno (Fernandes) fyrir framan," sagði Orri Freyr Rúnarsson í hlaðvarpsþættinum „Enski boltinn".

„Umræðan um Paul Pogba hjá stuðningsmönnum Manchester United minnir mig oft á það hvernig stuðningsmenn Everton tala um Gylfa. Ef hann er ekki að skora tvö mörk í leik þá eigi hann að æfa með varaliðinu og vera seldur á ekki neitt. Það hefur sýnt sig að Manchester United er miklu betra fótboltalið með Pogba inn á."

Manchester United mætir Manchester City í grannaslag um helgina og Orri vonar að mörkin fari að koma aftur.

„Ég hef ekki miklar áhyggjur. Solskjær er með þannig leikmenn að þeir eiga að geta búið til sjálfir þó að það sé smá stífla. Vonandi kemur mark í næsta leik og þá fer þetta að rúlla."

„Þetta verður erfitt í næsta leik gegn Manchester City en ég er samt sem áður bjartsýnn. Það væri ótrúlegt klúður að missa Meistaradeildarsætið núna."

Hér að neðan má hlusta á þátt dagsins en þar var nánar rætt um Manchester United. Það eru Frumherji, White Fox, Viking gylltur (léttöl) og Domino's sem bjóða upp á þáttinn.