Eintracht Frankfurt lagði Freiburg að velli, 2-0. Fares Chaibi og Jean-Matteo Bahoya skoruðu mörkin á sautján mínútna kafla í síðari hálfleiknum.

Stuttgart sem komst áfram í 16-liða úrslit Evrópudeildarinnar á dögunum fylgdu því vel á eftir með því að pakka Wolfsburg saman, 4-0. Jamie Leweling skoraði tvö mörk og þá skoraði Deniz Undav og NIkolas Nartey einnig fyrir liðið.

Diomande var hetja Leipzig í 2-1 sigri liðsins á Hamburger SV.

Fabio Vieira kom Hamburger yfir á 22. mínútu en Romulo jafnaði metin tæpum stundarfjórðungi síðar.

Diomande skoraði sigurmarkið snemma í síðari hálfleiknum og gátu Leipzig menn gulltryggt sigurinn nokkrum mínútum síðar er liðið fékk vítaspyrnu en Daniel Heuer Fernandes varði frá Romulo og hélt sínum mönnum inn í leiknum.

Títtnefndur Diomande er meðal annars á ratsjá Liverpool og Manchester United á Englandi, en Leipzig hefur sett 80 milljóna punda verðmiða á þennan 19 ára gamla strák.

Hamburger tókst þó ekki að koma til baka og varð 2-1 tap niðurstaðan. Leipzig er í 5. sæti með 44 stig en Hamburger í 11. sæti með 26 stig.

Eintracht Frankfurt 2 - 0 Freiburg
1-0 Fares Chaibi ('64 )
2-0 Jean-Matteo Bahoya ('81 )

Stuttgart 4 - 0 Wolfsburg
1-0 Deniz Undav ('21 )
2-0 Jamie Leweling ('30 )
3-0 Jamie Leweling ('42 )
4-0 Nikolas Nartey ('90 )

Hamburger 1 - 2 RB Leipzig
1-0 Fabio Vieira ('22 )
1-1 Romulo ('36 )
1-2 Yan Diomande ('50 )
1-2 Romulo ('62 , Misnotað víti)