Alfons er kominn með fast sæti í liði Eagles
Mikael skoraði í stórsigri Djurgården
Íslendingalið Go Ahead Eagles vann annan leikinn í röð í hollensku úrvalsdeildinni er liðið hafði betur gegn Excelsior, 1-0, í dag.
Blikarnir Alfons Sampsted og Stefán Ingi SIgurðarson komu til félagsins í vetrarglugganum.
Alfons kom frá Birmingham City og er kominn með fast sæti í byrjunarliði Eagles, en Stefán gekk í raðir félagsins frá Sandefjord í Noregi og verið að sækja dýrmætar mínútur af bekknum.
Alfons var á sínum stað í byrjunarliðinu og þá kom Stefán Ingi inn á þegar stundarfjórðungur var til leiksloka.
Eagles eru í 12. sæti með 29 stig þegar 25 umferðir hafa verið leiknar.
Logi Tómasson byrjaði hjá Samsunspor sem gerði markalaust jafntefli við Gaziantep í tyrknesku úrvalsdeildinni.
Landsliðsmaðurinn fór af velli þegar um það bil tuttugu mínútur voru til leiksloka.
Samsunpor er í 7. sæti með 32 stig, fjórtán stigum frá Evrópusæti.
Mikael Neville Anderson klúðraði vítaspyrnu en bætti upp fyrir það með því að skora nokkrum mínútum síðar í 8-0 stórsigri Djurgården á Skövde í sænska bikarnum.
Djurgården er í öðru sæti E-riðils með 3 stig eftir tvo leiki.
Athugasemdir
