Guðmundur Andri Tryggvason hefur verið að glíma við meiðsli að undanförnu. Andri, eins og hann er oftast kallaður, er leikmaður Start sem leikur í norsku Eliteserien, efstu deild.
Hann var á síðustu leiktíð að láni hjá Víkingi Reykjavík og lék með liðinu í Pepsi Max-deildinni og varð bikarmeistari með félaginu. Á meðan lék Start í næstefstu deild í Noregi og vann sér inn sæti í efstu deild.
Sjá einnig:
Guðmundur Andri: Engin spurning að þetta var pirrandi á þeim tíma
Hann var á síðustu leiktíð að láni hjá Víkingi Reykjavík og lék með liðinu í Pepsi Max-deildinni og varð bikarmeistari með félaginu. Á meðan lék Start í næstefstu deild í Noregi og vann sér inn sæti í efstu deild.
Sjá einnig:
Guðmundur Andri: Engin spurning að þetta var pirrandi á þeim tíma
Andri var í leikmannahópnum gegn Grorud í mars í síðasta æfingaleik Start fyrir Covid-hlé. Hann var ekki í leikmannahópnum í æfingaleikjum liðsins í júní og ekki verið í hópnum í þeim tólf umferðum sem leiknar hafa verið í deildinni. Fótbolti.net hafði samband við Andra og spurði hann út í stöðu mála.
Rifinn vöðvi framan á læri
Fyrsta spurning sem Andri fékk var svohljóðandi: Hver er staðan á þér og þínum meiðslum?
„Maður hefur verið betri og svona fimm vikur eftir í þessu meiðslaferli," sagði Andri.
Býst Andri við því að geta byrjað að æfa á fullu eftir fimm vikur eða jafnvel verið kominn í leikform?
„Ég reikna með því að ég geti byrjað að æfa á næstu vikum og verið orðinn spilfær eftir u.þ.b. fimm vikur,"
Byrjaði í tvígang of snemma og meiðslin tekið sig upp aftur
Hvers lags meiðsli eru þetta og hvenær meiddist Andri?
„Þetta er rifinn vöðvi framan á læri. Ástæðan fyrir svona langri fjarveru er sú að ég er búinn að byrja of snemma og þetta gerst þrisvar sinnum á sama stað. Þau komu fyrst upp tveimur vikum fyrir mót."
Hefur vöðvinn rifnað þrisvar sinnum á sama stað núna í þessu meiðslaferli?
„Ég var að koma til baka en byrjaði of snemma og þá tóku meiðslin sig aftur upp. Eftir að vöðvinn rifnar í annað skiptið er ég í endurhæfingu í 4-5 vikur og var orðinn góður. Ég hafði æft í tvær vikur áður en þetta svo gerist í þriðja skiptið. Ég er núna búinn að vera frá í u.þ.b. mánuð eftir að vöðvinn rifnaði í þriðja sinn," sagði Andri að lokum.
Start er í 14. sæti Eliteserien, þriðja neðsta sæti. Jóhannes Harðarson er þjálfari liðsins.
Athugasemdir