„Þetta var mjög sætt, þetta var erfiður leikur, það er alltaf erfitt að koma hingað. Það var gaman að vinna á Þjóðhátíð og koma til baka með þrjú stig," sagði Joey Gibbs framherji Stjörnunnar eftir 0 - 2 sigur á ÍBV í eyjum í dag.
Lestu um leikinn: ÍBV 0 - 2 Stjarnan
Gibbs hefur átt erfitt sumar og skoraði sitt fyrsta mark fyrir Stjörnuna í deildinni í dag. Það var í fyrsta sinn sem hann skoraði síðan hann lék með Keflavík sem vann Fram 4 - 8 í september. Þetta var 11. leikur hans með Stjörnunni í Bestu-deildinni í sumar.
„Það var góð tilfinning, það er komið langt síðan ég skoraði og maður gleymir næstum því tilfinningunni. Verið erum með góðan leikmannahóp og gott lið. Það er samkeppni út um allt og því hefur verið skortur á tækifærum hjá mér. Mér finnst við vera á réttri leið en fyrir mig var frábært að ná fyrsta markinu og fá það sjálfstraust sem fylgir fyrsta markinu."
„Ég fékk boltann frá Hilmari og sneri mér við og skaut. Þegar maður kemur inná vill maður hafa áhrif á leikinn og er því aggresívari en vanalega. Það var gott að ná skotinu og ég vil ná fleiri skotum. Ég er ánægður með að hann fór inn."
Joey var að lokum spurður hvort hann væri einn þeirra leikmanna sem yrðu eftir í eyjum en sagði: „Nei því miður, ég verð að sinna pabbahlutverkinu. Ég vildi að ég gæti verið áfram en verð að snúa aftur."
