Fylkir er komið í úrslit Lengjubikarsins annað árið í röð eftir sigur á Þór á Akureyri í kvöld. Fótbolti.net spjallaði við Guðmund Tyrfingsson, leikmann Fylkis, eftir leikinn.
Lestu um leikinn: Þór 0 - 2 Fylkir
„Við vorum með grunnatriðin upp á tíu, vorum mættir til leiks alveg frá fyrstu mínútu. Ef við gerum það þá erum við hörkulið," sagði Gummi.
„Ég hélt að þeir myndu koma grimmari og fastari í okkur. Við slökktum í þeim frá fyrstu mínútu með látum og vinna fyrsta og seinni boltann. Ef við gerum grunnatriðin vel erum við hörkuflottir."
Hann kom Fylkismönnum yfir þegar hann skoraði með góðu skoti.
„Mikið pláss á bakið, ég nýtti mér það og fer yfir á hægri, klobba hann og set hann eiginlega upp í skeytin, geggjað mark."
Fylkir fær KR í heiimsókn í úrslitaleiknum um næstu helgi.
„Það er hörkuleikur á móti hörkuliði sem er vel þjálfað. Við unnum þá í undanúrslitum í fyrra og eigum að hefna síðan í fyrra."
