Sara Björk Gunnarsdóttir var á skotskónum þegar Al-Qadsiah vann Al-Ahli í sádi arabísku deildinni í kvöld.
Liðið lenti undir en staðan var jöfn í hálfleik. Sara Björk kom liðinu í 2-1 eftir rúmlega klukkutíma leik en lokatölur urðu 3-2.
Sara Björk hefur skorað þrjú mörk og lagt upp eitt í síðustu tveimur leikjum en hún skoraði tvennu og lagði upp eitt í 8-1 stórsigri gegn Eastern Flames í síðustu umferð.
Al-Qadsiah er í 3. sæti með 12 stig eftir sjö umferðir. Liðið er níu stigum á eftir toppliði Al-Nassr.
Ingibjörg Sigurðardóttir var í byrjunarliði Freiburg sem tapaði 3-1 gegn Wolfsburg í þýsku deildinni en Freiburg var með 1-0 forystu í hálfleik. Freiburg er í 5. sæti með 19 stig.
Athugasemdir
