Mainz vermir botnsæti deildarinnar en Gladbach var í botnsætinu þar til fyrir skömmu þegar liðið vann þrjá leiki í röð og gerði svo jafntefli í síðustu umferð.

Ríkjandi meistarar FC Bayern heimsækja Stuttgart í stórleik helgarinnar sem fer fram á morgun. Bæjarar eru með átta stiga forystu á toppi Bundesliga, tólf stigum á undan Stuttgart sem er í Evrópubaráttu.

Wolfsburg á heimaleik við Union Berlin á meðan Bayer Leverkusen, sem hefur verið á góðu skriði undir stjórn Kasper Hjulmand, heimsækir Augsburg.

Ísak Bergmann Jóhannesson og félagar í liði Köln eiga svo heimaleik við St. Pauli og þurfa á sigri að halda eftir slakt gengi síðustu vikna.

RB Leipzig mætir Eintracht Frankfurt í síðasta leik laugardagsins. Þar má búast við mikilli spennu en það eru fimm stig sem skilja liðin að í efri hluta deildarinnar.

Að lokum eiga Hamburger SV og Borussia Dortmund heimaleiki á sunnudaginn. Dortmund fær Hoffenheim í heimsókn í enn einum stórleik helgarinnar, þar sem tvö stig skilja liðin að í toppbaráttunni.

Föstudagur
19:30 Mainz - Borussia M'Gladbach

Laugardagur
14:30 Wolfsburg - Union Berlin
14:30 Stuttgart - Bayern
14:30 Heidenheim - Freiburg
14:30 Augsburg - Leverkusen
14:30 Köln - St. Pauli
17:30 RB Leipzig - Eintracht Frankfurt

Sunnudagur
14:30 Hamburger - Werder Bremen
16:30 Dortmund - Hoffenheim