Rúnar Kristinsson.
Úr KR-heimilinu í dag.
„Þetta er mjög góður dagur og við erum virkilega ánægðir," sagði Rúnar Kristinsson, þjálfari KR, kátur á mánudegi. Rætt var við hann eftir að þrír leikmenn skrifuðu undir hjá KR.
Pablo Punyed skrifaði undir þriggja ára samning, en hann kemur frá ÍBV. Og þá skrifuðu Pálmi Rafn Pálmason og Beitir Ólafsson undir nýja samninga við Vesturbæjastórveldið.
Hinn 33 ára gamli Pálmi Rafn hefur verið fastamaður í liði KR undanfarin þrjú tímabil síðan hann kom heim frá Lilleström í Noregi. Hann gerði nýjan tveggja ára samning við KR.
Beitir kom óvænt inn í mark KR þegar Stefán Logi Magnússon meiddist í byrjun sumars. Beitir, sem hafði verið í fríi frá fótbolta, stóð vaktina vel í markinu út tímabilið og eignaði sér stöðuna. Hann framlengdi samning sinn við KR um þrjú ár.
„(Við erum ánægðir) að hafa náð að framlengja við Beiti og Pálma. Við ætluðum að byrja á því að framlengja við þá leikmenn sem voru á samning og halda að byggja á þeim leikmönnum sem hafa verið hérna," segir Rúnar.
„Þar að auki bætist Pablo við, sem er fyrir mér leikmaður sem maður hefur alltaf hrifist af. Hann hefur ákveðna eiginleika sem maður er að sækja. Við erum sáttir að hafa fengið hann í KR."
Pablo Punyed skrifaði undir þriggja ára samning, en hann kemur frá ÍBV. Og þá skrifuðu Pálmi Rafn Pálmason og Beitir Ólafsson undir nýja samninga við Vesturbæjastórveldið.
Hinn 33 ára gamli Pálmi Rafn hefur verið fastamaður í liði KR undanfarin þrjú tímabil síðan hann kom heim frá Lilleström í Noregi. Hann gerði nýjan tveggja ára samning við KR.
Beitir kom óvænt inn í mark KR þegar Stefán Logi Magnússon meiddist í byrjun sumars. Beitir, sem hafði verið í fríi frá fótbolta, stóð vaktina vel í markinu út tímabilið og eignaði sér stöðuna. Hann framlengdi samning sinn við KR um þrjú ár.
„(Við erum ánægðir) að hafa náð að framlengja við Beiti og Pálma. Við ætluðum að byrja á því að framlengja við þá leikmenn sem voru á samning og halda að byggja á þeim leikmönnum sem hafa verið hérna," segir Rúnar.
„Þar að auki bætist Pablo við, sem er fyrir mér leikmaður sem maður hefur alltaf hrifist af. Hann hefur ákveðna eiginleika sem maður er að sækja. Við erum sáttir að hafa fengið hann í KR."
Baráttan um undirskrift Pablo var ekki hörð.
„Þetta gekk hratt fyrir sig. Hann var ákveðinn í því hvað hann vildi og við vorum líka ákveðnir, þetta passaði mjög vel saman. Hann og við stefnum í sömu átt, það er gott að hafa leikmenn sem hafa metnað og vilja æfa vel og ná árangri. Hann sýndi það á góðum fundi með okkur," sagði Rúnar.
KR-ingar hafa byrjað leikmannamarkaðinn sterkt. Vesturbæingar hafa samið við Björgvin Stefánsson, Kristinn Jónsson og nú Pablo Punyed. Má búast við fleiri tilkynningum?
„Það er aldrei að vita," sagði Rúnar léttur. „Við erum ánægðir með það sem komið er, en við sjáum til hvað setur."
„Það eru enn leikmenn sem hafa áhuga á að koma hingað. Ég hef fengið nokkrar símhringingar frá gömlum KR-ingum sem vilja koma til baka og byrja upp á nýtt. En við sjáum til, við megum ekki hafa of stóran hóp, við verðum að hafa pláss fyrir þessa stráka sem eru efnilegir í félaginu. Við megum ekki loka leiðum fyrir þá."
Sjáðu viðtalið í heild sinni hér að ofan.
Athugasemdir
