Mainoo er eftirsóttur
Fer Salah til Sádi-Arabíu?
Mörg félög eru á eftir Kobbie Mainoo, Elliot Anderson mun kosta sitt og Mohamed Salah gæti farið til Sádi-Arabíu. Þetta og svo margt fleira í Powerade-slúðurpakka dagsins.
Enski miðjumaðurinn Kobbie Mainoo (20) mun hafa að minnsta kosti tólf valmöguleika ef Manchester United leyfir honum að fara á láni í janúar. (Mail)
Nottingham Forest er líklegt til að hækka verðmiðann á enska miðjumanninum Elliot Anderson (23) næsta sumar, en hann er nú metinn á 100 milljónir punda. (Football Insider)
Stjórnarmenn sádi-arabísku deildarinnar eru fullvissir um að geta fengið egypska sóknarmanninn Mohamed Salah (33) frá Liverpool á afsláttarverði í janúarglugganum. (I Paper)
Franska félagið Lyon er í viðræðum við Chelsea um varnarmanninn Axel Disasi (27). (L'Equipe)
Crystal Palace heldur áfram að fylgjast með stöðu enska varnarmannsins Max Kilman (28), sem er á mála hjá West Ham. (Football Insider)
Everton og West Ham hafa lagt fram fyrirspurnir um Yuri Alberto (24), framherja Corinthians í heimalandinu. (Teamtalk)
Flamengo er að undirbúa tilboð í Jhon Arias (28), vængmann Wolves, en hann gekk í raðir enska félagsins í sumarglugganum. (Ekrem Konur)
Manchester United og Tottenham eru að fylgjast með Nilson Angulo (22), framherja Anderlecht. (Teamtalk)
Ayyoub Bouaddi (18), leikmaður Lille, er að vekja áhuga stórliða í Evrópu, en Arsenal er talið líklegast til þess að reyna við franska miðjumanninn. (RMC Sport)
Athugasemdir
