Ísland og Rúmenía mætast í umspili um sæti á EM á Laugardalsvelli klukkan 18:45 annað kvöld. Þessar þjóðir hafa einungis mæst tvívegis áður í A-landsleik en það var í undankeppni HM 1998. Rúmenar unnu 4-0 á Laugardalsvelli í október 1996 og sömu tölur urðu í leiknum ytra í september árið 1997.
Gheorghe Hagi var á þessum tíma aðalstjarna Rúmena en hann skoraði eitt mark í leiknum á Laugardalsvelli og tvö mörk í leiknum í Rúmeníu.
Dan Petrescu, fyrrum bakvörður Chelsea, skoraði í báðum leikjunum og þeir Gheorghe Popescu og Constantin Galca voru einnig á skotskónum. Guðni Bergsson, núverandi formaður KSÍ, skoraði sjálfsmark í leiknum á Íslandi.
Ianis Hagi, miðjumaður Rangers og sonur Gheorge, er í liði Rúmena í dag.
Eyjólfur Sverrisson og Rúnar Kristinsson spiluðu þessa leiki en synir þeirra Hólmar og Rúnar Alex eru í dag í íslenska hópnum.
Athugasemdir