Síðustu leikjum dagsins er lokið hjá Íslendingum í kvennaboltanum erlendis, þar sem Glódís Perla Viggósdóttir var á sínum stað í hjarta varnarinnar hjá þýska stórveldinu FC Bayern.
Glódís og stöllur héldu hreinu í stórsigri á útivelli gegn Eintracht Frankfurt. Lokatölur 0-5 og trónir Bayern á toppi þýsku deildarinnar með 34 stig eftir 12 umferðir, sex stigum fyrir ofan Wolfsburg.
Jovana Damnjanovic var atkvæðamest með tvennu á meðan Pernille Harder skoraði eitt og lagði tvö upp.
Í efstu deild í Hollandi var hin efnilega Ragnheiður Þórunn Jónsdóttir í byrjunarliði PEC Zwolle á útivelli gegn Feyenoord.
Ragnheiður lék allan leikinn í 1-0 tapi en Feyenoord er þremur stigum fyrir ofan Zwolle í toppbaráttunni. Zwolle er með 18 stig eftir 9 umferðir, fjórum stigum frá toppsætinu.
Eintracht Frankfurt 0 - 5 FC Bayern
Feyenoord 1 - 0 PEC Zwolle
Athugasemdir
