Fótbolti.net

Jón Daði: Þarf að komast í burtu frá fótbolta og hreinsa hugan

Bjarni Jó: Það kannski einkennir lið sem er að falla

Ingimar Arnar skoraði sigurmarkið: Ég man ekki einu sinni eftir þessu

Jóhann Birnir: Svekkelsi

Sigfús Fannar: Þetta mark var fyrir hana

Siggi Höskulds: Fannst við eiga skilið að vinna þessa deild

Addi Grétars: Ekki mikil fótboltaleg gæði

Aron Ingi: Það var bara eitt markmið og það var að fara beint upp

Gústi Gylfa: Úr því sem komið var var markmiðið að halda sér uppi

Aron Birkir: Ég veit ég gat ekkert í fyrra

Alli Jói: Ekki bara leikjahæsti heldur besti leikmaður í sögu Völsungs

Gunnar Már: Við förum beint upp

HK náði markmiðinu - „Voru ótrúlega sterkir í hausnum"

Hafa áhuga á að halda áfram með Grindavík - „Spennandi hópur og við Marko vinnum vel saman"

Gunnar Heiðar: Lengri leið og hún verður bara skemmtilegri fyrir vikið

Bjarki stoltur eftir síðasta leikinn sinn - „Liðið hefur aldrei verið á betri stað"

Fannar Daði: Það var ekkert planið að spila á þessu tímabili

Jóhannes Karl: Aldrei spurning í seinni hálfleik hvernig þessi leikur fari

Óskar Smári: Í dag fannst mér við gefa ódýr mörk

Jói talar um leiksýningu hjá dómurunum - „Greinilega mjög hræddir við það umtal"

mán 08. maí 2023 13:38

Guðmundur Aðalsteinn Ásgeirsson
Laugardalsvelli

Adda um Ollu og Kötlu: Ég samgleðst þeim frekar

Adda varð bikarmeistari með Val í fyrra. Núna er hún í þjálfarateyminu.

Mynd: Fótbolti.net - Hafliði Breiðfjörð

Olla og Katla fagna hér marki með Þrótti.

Mynd: Fótbolti.net - Hafliði Breiðfjörð

„Mér líst bara vel á þetta. Það er gott að fá góða leiki," sagði Ásgerður Stefanía Baldursdóttir, aðstoðarþjálfari Vals, eftir að dregið var í 16-liða úrslit Mjólkurbikars kvenna í dag.

Stórleikurinn í 16-liða úrslitunum verður leikur Vals og Þróttar í Laugardalnum en bæði þessi lið eru með sex stig eftir fyrstu tvo leikina í Bestu deildinni.

„Auðvitað hefðum við viljað heimaleik en það er gott að mæta góðu liði. Þróttur er með eitt af betri liðum landsins og við fáum hörkuleik í fyrsta leik í bikar."

„Við vildum fá heimaleik en það er stutt fyrir okkur að fara. Það er búið að henda upp flottri stúku og aðstæðurnar eru góðar."

Í liði Þróttar eru tveir uppaldir Valsarar, Ólöf Sigríður Kristinsdóttir og Katla Tryggvadóttir. Þær voru báðar í yngri flokkum Vals en skiptu svo yfir í Þrótt í meistaraflokki þar sem þær eru í stórum hlutverkum þrátt fyrir ungan aldur. Það var erfitt fyrir þær að brjótast inn í lið Vals á þeim tíma sem þær voru að stíga upp í meistaraflokk og því skiptu þær til að spila. Það má segja að þær séu tvær af sterkustu leikmönnum Bestu deildarinnar í augnablikinu eftir að hafa fengið góða reynslu með Þrótti.

Adda segist ekki svekkt með að þær séu ekki í Val, hún sé frekar ánægð fyrir þeirra hönd að þær hafi fengið tækifærið hjá Þrótti og nýtt sér það.

„Þær eru frábærir leikmenn sem hafa staðið sig vel síðustu árin með Þrótti. Það er gaman að mæta þeim. Ég er ánægð fyrir þeirra hönd að þær séu að standa sig vel í Þrótti. Nik (Chamberlain) hefur gert ofboðslega vel með þessa leikmenn. Ég samgleðst þeim frekar en að hugsa eitthvað um að þær séu ekki í Val. Auðvitað vill maður alltaf fá góða leikmenn til okkar en þetta var þeirra ákvörðun. Þær eru að standa sig vel og ég er glöð fyrir þeirra hönd."

Hægt er að sjá allt viðtalið í spilaranum hér fyrir ofan en þar ræðir Adda meðal annars meira um tímabilið hjá Val og leikinn sem er framundan gegn Þrótti í bikarnum.