Real Sociedad tapaði óvænt á heimavelli gegn Osasuna, þar sem Ante Budimir skoraði eina mark leiksins í upphafi síðari hálfleiks.

Heimamenn í San Sebastián voru sterkari aðilinn en þeim tókst ekki að skora. Sociedad er í sjöunda sæti deildarinnar eftir þetta tap, heilum ellefu stigum frá Meistaradeildarsæti. Osasuna er um miðja deild, átta stigum fyrir neðan Sociedad.

Valencia tapaði þá fyrir Las Palmas í Evrópubaráttunni og eru liðin jöfn á stigum, tveimur stigum eftir Real Sociedad.

Alex Suarez og Marc Cardona skoruðu mörkin í 2-0 sigri Las Palmas, en staðan var markalaus fram að 89. mínútu.

Að lokum gerðu Alavés og Villarreal 1-1 jafntefli í spennandi slag þar sem heimamenn voru óheppnir að skora ekki annað mark.

Alaves og Villarreal eru bæði í neðri hluta deildarinnar, átta stigum frá fallsvæðinu.

Las Palmas 2 - 0 Valencia
1-0 Alex Suarez ('89 )
2-0 Marc Cardona ('95 )

Alaves 1 - 1 Villarreal
1-0 Samuel Omorodion ('25 )
1-1 Jorge Cuenca ('42 )

Real Sociedad 0 - 1 Osasuna
0-1 Ante Budimir ('49 )