Tinna Óðinsdóttir
Tinna Óðinsdóttir, fyrirliði HK/Víkings, fór í viðtal eftir leik liðs hennar gegn Val.
Lestu um leikinn: HK/Víkingur 1 - 2 Valur
HK/Víkingur tapaði 1-2 eftir að hafa komist yfir í upphafi leiks.
„Mér fannst við byrja vel, við setjum mark alveg í byrjun leiksins og byrjum á fullum krafti, annað en í síðustu leikjum," sagði Tinna.
Tinna var ekki ánægð með atvik sem kom aðdraganda sigurmarks Vals. Þá var Kadern Hancar sloppin ein í gegn og dæmdi dómari leiksins rangstöðu þrátt fyrir að aðstoðardómarinn flaggaði ekki.
„Ég ætla ekki að segja neitt meira um það en sama hvort það er rétt eða rangt er þetta dýrkeypt og markið hjá Val kemur fljótlega eftir þetta en svo er líka margt annað sem gerist í leiknum sem fellur ekki með okkur í þetta skiptið."
Í lok viðtalsins mismælir Tinna sig þegar hún ætlar líklegast að segja „hæðir og lægðir" en segir vera „hægðir og lægðir" í fótboltanum.
Viðtalið í heild sinni má sjá í sjónvarpinu að ofan.
