Brynjar Gestsson: Það þýðir ekkert að leggjast bara á bakið
Mynd: Hulda Margrét
Mynd: Hulda Margrét
„Já við þurftum að setja hafsent í markið og það bara einhvernveginn gerði vörnina aðeins veikari og þó svo að hann hafi kannski ekki átt sök á þessu, þá bara ósjálfrátt dregur þetta aðeins úr mönnum. Við vorum ekki með markmann á bekknum, vorum bara með einn markmann hann er meiddur. Ég tek þetta náttúrulega á mig, ég lánaði hann," sagði Brynjar Gestsson, þjálfari Þróttar í Vogum, eftir leik á móti HK.
„Þrátt fyrir það, að hann hafi farið út af voru þetta allt mjög einföld mörk, ég skil það vel að menn geti orðið aðeins þungir en þegar svona gerist þá verðuru bara að leggja meira á þig. Í stað þess að fara inn í skelina. Taktu bara mótlætinu, það er mótlæti, þetta er mótlæti, við erum í mótlæti. Það þýðir ekkert að leggjast bara á bakið."
