Öll átta liðin sem mættu til leiks eru í umspilsbaráttu sem stendur og því var mikið undir. Pakkinn um miðja Championship deild er gífurlega þéttur þar sem aðeins eru fjögur stig sem skilja á milli Hull City í 6. sæti og Derby County í 15. sæti sem stendur.

Hull lagði Wrexham að velli með tveimur mörkum gegn engu þar sem Kieffer Moore klúðraði vítaspyrnu fyrir gestina frá Wales.

Leicester City komst í tveggja marka forystu á útivelli gegn Bristol City, en heimamönnum tókst að jafna í síðari hálfleik. Tvö stig skilja þessi lið að í baráttunni um umspilssæti.

Ipswich Town hoppar upp í fjórða sæti deildarinnar þökk sé marki snemma leiks frá Jaden Philogene. Ipswich vann góðan 1-0 sigur á Stoke City þar sem heimamönnum tókst ekki að tvöfalda forystuna þrátt fyrir að vera sterkari aðilinn.

Ipswich er með 34 stig, einu stigi á eftir Millwall sem er að eiga frábært tímabil. Millwall gerði þó jafntefli við Derby County í dag þar sem staðan var markalaus allt þar til á lokakaflanum.

Tvö sjálfsmörk litu dagsins ljós, fyrst setti leikmaður Derby boltann í eigið net til að gefa Millwall forystuna áður en leikmaður Millwall endurlaunaði greiðann. Lokatölur urðu því 1-1 eftir tvö sjálfsmörk í jöfnum slag.

Hull City 2 - 0 Wrexham
1-0 Kyle Joseph ('10 )
1-0 Kieffer Moore ('56 , Misnotað víti)
2-0 Oli McBurnie ('67 )

Bristol City 2 - 2 Leicester City
0-1 Jordan Ayew ('17 , víti)
0-2 Bobby De Cordova-Reid ('45 )
1-2 Mark Sykes ('46 )
2-2 Emil Riis ('83 )

Ipswich Town 1 - 0 Stoke City
1-0 Jaden Philogene ('2 )

Derby County 1 - 1 Millwall
0-1 Matt Clarke ('81 , sjálfsmark)
1-1 Jake Cooper ('88 , sjálfsmark)