Novak Djokovic
Novak Djokovic, einn allra besti tennisspilari sögunnar, er ansi frakkur í spá sinni fyrir heimsmeistaramótið sem fer fram í Bandaríkjunum, Kanada og Mexíkó næsta sumar.
Serbinn mun ekki láta sig vanta á meðal áhorfanda á mótinu en hann mun þurfa að styðja eitthvað annað land þar sem Serbía komst ekki áfram.
Hann er nokkuð viss um að Portúgal muni standa upp sem sigurvegari en það kom á óvart hvaða liði hann spáði silfrinu.
„Ég ætla að vera frakkur og segja Portúgal. Þeir munu vinna Mexíkó í úrslitaleiknum,“ sagði Djokovic í viðtali í Abu Dhabi, þar sem hann fylgdist með síðasta kappakstrinum í Formúlu 1.
Portúgal er meðal þeirra líklegustu til að vinna mótið, en Mexíkó er ekkert spáð neitt sérstaklega góðu gengi. Gestgjafarnir munu spila með Suður-Kóreu og Suður-Afríku í riðli, en það á eftir að koma í ljós hver þriðji andstæðingur þeirra verður.
Athugasemdir
