Tottenham hefur fordæmt kynþáttafordóma sem framherjinn Son Heung-min varð fyrir eftir leik gegn Manchester United í ensku úrvalsdeildinni í dag.
Hinn 28 ára gamli Son skoraði mark Tottenham í leiknum, stuttu eftir umdeilt VAR-atvik þar sem mark var dæmt af Man Utd í kjölfarið á því að hann féll eftir viðskipti við Scott McTominay.
Son varð fyrir aðkasti á samfélagsmiðlum eftir leikinn og Tottenham greindi frá því á miðlum sínum að hann hefði orðið fyrir kynþáttafordómum.
„Við stöndum með þér Sonny," sagði Tottenham í yfirlýsingu sinni.
Margir fótboltamenn og margar fótboltakonur hafa orðið fyrir kynþáttafordómum á samfélagsmiðlum upp á síðkastið. Kallað hefur verið eftir því að samfélagsmiðlar geri meira til að stöðva þessa ömurlegu bylgju.
Another matchday and more abhorrent racial abuse suffered by one of our players. This has again been reported to the platforms and we shall now undertake a full review alongside the Premier League to determine the most effective action moving forward.
— Tottenham Hotspur (@SpursOfficial) April 11, 2021
We stand with you, Sonny. pic.twitter.com/fNBpSykJJo
Athugasemdir