„Gjörsamlega ömurlegar í fyrri hálfleik, bara mættum ekki til leiks. Stálheppnar að vera á núllinu og seinni hálfleik þá fannst mér við stíga vel upp og þá kom kraftur í okkur. Fengum á okkur eitt aula mark og náðum ekki að pota inn, en seinni hálfleikurinn töluvert sterkari heldur en í fyrri hálfleik" sagði Anton Ingi Rúnarsson, þjálfari Fram eftir 0-1 tap á heimavelli gegn Víkingi í Bestu Deildinni.
Lestu um leikinn: Fram 0 - 1 Víkingur R.
Hvað er það góða sem þið gerið í seinni hálfleik sem þið gerið ekki í fyrri?
„Aðallega, númer eitt er það krafturinn. Vorum alveg gjörsamlega kraftlausar og langt á eftir þeim í einu og öllu í fyrri hálfleik. Í seinni hálfleik þá förum við að mæta þeim á smá krafti og aðeins ofar á vellinum. Sýnum kjark og við þorðum ekki að spila í fyrri hálfleiknum og það var bara allt steindautt."
Vantaði eitthvað upp á í dag?
„Já, síðasta höggið að koma boltanum inn. Komum nokkrum fyrirgjöfum fyrir og áttum þarna nokkur fín tækifæri en hún varði þarna nokkrum sinnum nokkuð vel. Það vantaði þetta loka högg og kannski meiri nákvæmni í fyrirgjafirnar. Að gefa ekki fyrir bara til þess að gefa fyrir, gefa fyrir til þess að koma öðrum í marktækifæri."
Var seinni hálfleikurinn uppdrátturinn hvernig þið viljið spila í sumar?
„Já já, það er bara það. Við töluðum um það að halda bolta og vera á boltanum, með vindi í fyrri hálfleik, þú veist við nýttum það ekki neitt. Við í rauninni þorðum ekki að halda og héldum bolta á móti þrótturum. Höldum boltanum í seinni hálfleik og þá gefum við liðunum leiki. Við getum ekki verið litlar í okkur og mæta og halda að liðin séu að fara rúlla yfir okkur, bara langt í frá. Við verðum að hafa kassann út í 90 mínútur til þess að geta unnið þessa leiki."
Fullt viðtal í spilaranum fyrir ofan
