„Mér líður mjög vel að vera þrem stigum ríkari og það er það sem skiptir máli úr þessum leik" sagði Einar Guðnason, þjálfari Víkings eftir 0-1 sigur á úti velli gegn Fram.
Lestu um leikinn: Fram 0 - 1 Víkingur R.
Ertu ánægður með frammistöðuna í dag?
„Já, mér fannst við töluvert betri í fyrri hálfleik, í þessum strekkings vindi. Fengum þarna tvö ágætis færi til þess að skora, þetta var erfitt. Komumst í góðar fyrirgjafar stöður oft og svo nálægt teignum þar sem vindurinn tók boltann bara til baka. Við vorum ekki að ná að skapa eins mörg færi og sem krafturinn og viljinn í fyrri hálfleik gaf til kynna og það sem við hefðum átt skilið. Seinni hálfleik, fannst mér við eiga skilið að komast yfir. En svona eftir það er eins og við missum tökin á leiknum og erum að bíða eftir því að vera búin í staðinn að fara að bæta við."
Ertu ánægður með vörnina, að ná hreinu laki?
„Já, algjörlega vörnin stóð þetta vel. Ég man ekki í fljótu bragði eftir leik eftir eitthverjum mistökum í vörninni, þær voru bara fínar og allt liðið varnarlega. Svona framarlega á vellinum í fyrri hálfleik og aftarlega í seinni hálfleik."
Er ekki gott að klára leik þar sem þú manst ekki eftir augljósum mistökum, sérstaklega eftir síðust þrjá?
„Það er frábær punktur, þær voru að gera svolítið af mistökum í síðustu leikjum sem kostaði okkur. En í dag þá kostaði okkur ekki neitt allaveganna, við gerðum engin alvarleg mistök og komumst í gegnum þetta, það hefur þýðingu fyrir okkur."
Fullt viðtal í spilaranum fyrir ofan
