Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   sun 11. september 2022 17:32
Daníel Smári Magnússon
Arnar Grétars: Við erum neðarlega í fæðukeðjunni
,,Þarft að vera duglegur á móti Blikum.''
Arnar var gríðarlega sáttur með vinnusemi sinna manna gegn toppliði Blika.
Arnar var gríðarlega sáttur með vinnusemi sinna manna gegn toppliði Blika.
Mynd: Fótbolti.net - Hafliði Breiðfjörð

„Þetta var bara hörkuleikur tveggja góðra liða og mér fannst Blikarnir byrja leikinn betur. Þeir voru mun meira með boltann í fyrri hálfleik og án þess að skapa sér í fyrri hálfleik. Þeir fengu dauðafæri í blálokin, en þá vorum við stuttu áður búnir að dauðafæri í stöðunni 1-0,'' sagði Arnar Grétarsson eftir 2-1 sigur á toppliði Breiðabliks í Bestu-deild karla í dag, með Boston slagarann More Than a Feeling ómandi í bakgrunninum.


Lestu um leikinn: KA 2 -  1 Breiðablik

Hann hélt áfram: „Bara virkilega ánægður með vinnusemina, sérstaklega í fyrri hálfleik, af því að þú þarft að vera duglegur á móti Blikum. Þú lendir aðeins undir og nærð ekki að halda boltanum. Það gerðum við vel, af því að við vissum að ef við myndum ná að spila út úr fyrstu og annarri pressu Blikanna, þá myndum við fá færi.''

Leikplan KA gekk vel og sagði Arnar að leikmenn hefðu kannski verið sjálfum sér verstir þegar kom að því að ganga frá leiknum.

„Við erum kannski sjálfum okkur verstir þar sem að við hefðum getað verið búnir að klára leikinn, svona aðeins fyrr. Við vorum að fá hörkufín færi. Ég á eftir að sjá markið sem að Viktor skorar. Virkaði allavega á okkur eins og það hefði verið úr þröngu færi, en allt í lagi. Mér fannst strákarnir hrikalega flottir og þeir stigu upp, þeir þorðu og menn voru að reyna að spila boltanum þrátt fyrir gríðarlega pressu frá Blikunum í fyrri hálfleik.''

Það hefur ekki verið laust við eril í kringum KA liðið síðustu misseri. Arnar sjálfur tiltölulega nýbúinn að afplána fimm leikja bann, Nökkvi Þeyr Þórisson seldur til Beerschot VA og svo hefur liðið fengið á sig dramatísk sigurmörk, bæði gegn Víkingi R. og FH.

„Já, það verður bara að segjast alveg eins og er og ég ætla ekki að ljúga því að það var bara virkilega erfitt. Erfitt að kyngja því að tapa á móti Víking og sérstaklega á móti FH. Svo gat maður séð að Nökkvi var svolítið með ferðatöskuna klára á móti Fram. Við höfum lent í þessu áður þar sem að Brynjar Ingi var að fara út. Þá eru menn, ósköp eðlilega, komnir með hausinn á annan stað.''

Hann bætti svo við skemmtilegri myndlíkingu: „Svona er þetta bara. Við erum ansi neðarlega í fæðukeðjunni og þegar að einhver stærri fiskur kemur að þá eru menn fljótir að fara.''

Viðtalið má sjá í heild sinni í spilaranum hér að ofan.


Athugasemdir
banner
banner
banner