Elvar Geir skrifar frá Tyrklandi
Elvar Geir Magnússon
Frá æfingu Íslands í Antalya fyrir tveimur árum.
Strákarnir okkar í Antalya.
Tyrkland og Ísland mætast á fimmtudaginn í undankeppni EM en leikurinn fer fram á heimavelli Galatasaray í Istanbúl.
Undirbúningur Íslands fer þó fram á öðrum stað hér í Tyrklandi, á Belek svæðinu í Antalya sem liggur við Miðjarðarhafið og er frægur sumarleyfisstaður. Hér skín sólin, hitinn er um 28 gráður.
Þá er hér frábær íþróttaaðstaða, hellingur af æfingavöllum og flottum hótelum, enda koma hingað mörg stór evrópsk félög á undirbúningstímabilinu og í vetrarhléum.
Þá er allt morandi í golfvöllum en um liðna helgi var keppt í Evrópumótaröðinni í golfi hér í Belek. Englendingurinn Tyrrell Hatton stóð uppi sem sigurvegari á lokadeginum í gær eftir bráðabana sem spilaður var í flóðlýsingu.
Íslenska liðið hefur góða reynslu af þessu svæði. Liðið gistir á sama hóteli og æfir á sama velli og það gerði í undirbúningi fyrir leikinn gegn Tyrkjum sem var í Eskisehir fyrir tveimur árum.
Þá vannst stórkostlegur 3-0 sigur þar sem Ísland steig stærsta skrefið í átt að lokakeppni HM í Rússlandi.
Erfitt er að vonast eftir sömu niðurstöðu en Ísland hefur haft góð tök á tyrkneska liðin í gegnum árin og sigur í Istanbúl gefur okkur veika von um að komast á EM í gegnum riðilinn. Flestir búast þó við að umspil á næsta ári verði raunin.
Undirbúningur Íslands fer þó fram á öðrum stað hér í Tyrklandi, á Belek svæðinu í Antalya sem liggur við Miðjarðarhafið og er frægur sumarleyfisstaður. Hér skín sólin, hitinn er um 28 gráður.
Þá er hér frábær íþróttaaðstaða, hellingur af æfingavöllum og flottum hótelum, enda koma hingað mörg stór evrópsk félög á undirbúningstímabilinu og í vetrarhléum.
Þá er allt morandi í golfvöllum en um liðna helgi var keppt í Evrópumótaröðinni í golfi hér í Belek. Englendingurinn Tyrrell Hatton stóð uppi sem sigurvegari á lokadeginum í gær eftir bráðabana sem spilaður var í flóðlýsingu.
Íslenska liðið hefur góða reynslu af þessu svæði. Liðið gistir á sama hóteli og æfir á sama velli og það gerði í undirbúningi fyrir leikinn gegn Tyrkjum sem var í Eskisehir fyrir tveimur árum.
Þá vannst stórkostlegur 3-0 sigur þar sem Ísland steig stærsta skrefið í átt að lokakeppni HM í Rússlandi.
Erfitt er að vonast eftir sömu niðurstöðu en Ísland hefur haft góð tök á tyrkneska liðin í gegnum árin og sigur í Istanbúl gefur okkur veika von um að komast á EM í gegnum riðilinn. Flestir búast þó við að umspil á næsta ári verði raunin.
Allur leikmannahópur Íslands verður samankominn í Antalya í dag. Einhverjir komu í gær, þar á meðal Hannes Þór Halldórsson markvörður og varnarjaxlinn Kári Árnason eins og sást á samfélagsmiðlum KSÍ.
Íslenska liðið mun æfa síðdegis og eftir æfinguna munu fjölmiðlar, þar á meðal Fótbolti.net, taka púlsinn á strákunum okkar.
Kári er klár í komandi verkefni. @karibestmeister getting ready for #turisl #fyririsland pic.twitter.com/DhiRm8TnkS
— Knattspyrnusambandið (@footballiceland) November 10, 2019
Tvær breytingar hafa orðið á upphaflegum hóp Íslands sem kynntur var á fimmtudaginn síðasta. Ingvar og Hólmar koma inn fyrir Rúnar Alex Rúnarsson og Rúnar Má Sigurjónsson.
Markverðir:
Hannes Halldórsson - Valur
Ögmundur Kristinsson - Larissa
Ingvar Jónsson - Viborg
Varnarmenn:
Ari Freyr Skúlason - Oostende
Hörður Björgvin Magnússon - CSKA Moskva
Ragnar Sigurðsson - Rostov
Kári Árnason - Víkingur
Hjörtur Hermannsson - Bröndby
Sverrir Ingi Ingason - PAOK
Jón Guðni Fjóluson - Krasnodar
Guðlaugur Victor Pálsson - Darmstadt
Hólmar Örn Eyjólfsson - Levski Sofia
Miðjumenn:
Gylfi Þór Sigurðsson - Everton
Birkir Bjarnason - Al Arabi
Arnór Sigurðsson - CSKA Moskva
Arnór Ingvi Traustason - Malmö
Samúel Kári Friðjónsson - Valerenga
Mikael Neville Anderson - Midtjylland
Aron Elís Þrándarson - Álasund
Sóknarmenn:
Alfreð Finnbogason - Augsburg
Viðar Örn Kjartansson - Rubin Kazan
Kolbeinn Sigþórsson - AIK
Jón Daði Böðvarsson - Millwall
Athugasemdir
