Eins og venjan er á þessum tíma árs þá er nóg af slúðri í gangi í boltanum. Meðal þeirra sem eru mikið í umræðunni eru sóknarmennirnir Antoine Griezmann og Romelu Lukaku.

Griezmann vill yfirgefa Atletico Madrid og hefur mest verið orðaður við Barcelona. En Manchester United hefur líka sýnt honum áhuga.

„Það þarf að sýna þolinmæði. Auðvitað vil ég að framtíð mín skýrist en það þarf að bíða," segir Griezmann.

„Ég veit ekki hvort ég verði áfram á Spáni. Við munum kannski vita meira innan tveggja vikna. Ég vil bara spila fótbolta og njóta vinnunnar."

Sögur herma að líkurnar á því að franski sóknarmaðurinn fari til Börsunga hafi minnkað.

Griezmann var spurður út í framtíð sína eftir 4-0 sigur Frakklands gegn Andorra í gær.