Fótbolti.net

Ellefu dagar í Bestu - Gæðastjórinn útskýrir xF

Steini: Hún er á mun betri stað en fyrir hálfu ári

Davíð Örvar: Við gefum öllum liðum leik

Maggi: Hann átti frábæran leik í dag

41 árs Birkir Már: Vonandi í síðasta skipti sem ég næ ekki 90 mínútum

Valdimar Þór: Skil dómarann að gefa mér gult

Daniel Badu: Þessi leikur sýndi okkur að við eigum enn eitthvað í land

Sölvi Geir um óvænta innkomu Sveins Margeirs: Þetta er okkar leikmaður og við pössum upp á þá

„Þurfum að læra sem lið að loka þessum leikjum"

Mikael Egill svekktur: Hann hló og sagði ekki séns

Arnar: Leið eins og við værum að spila á móti liði frá 1980

Orri Steinn þakklátur - „Maður tekur þessu ekki sem sjálfsögðum hlut"

Jasmín Erla: Það er galið að maður sé að spila í þessu

Ian Jeffs: Ég ætla ekki að tjá mig um það

Tomasz Luba: Það er ekkert lélegt að koma hingað og tapa 3-1

„Frábær áskorun að vera spáð góðu gengi frekar en að vera brandaralið"

Siggi Höskulds: Eina markmið leiksins og vikunnar var að bæta fyrir það

Bjarni: Held ég hafi aldrei hitt hann svona vel

Orri um andlega áskorun: Einn af fáum jákvæðum punktum úr þessu

Arnar á keppnisvellinum: Leikstíll sem er ekki allra

mán 12. júlí 2021 22:47

Alexandra Bía Sumarliðadóttir

Eiður Ben: Að mínu mati lang þriðja-besta liðið

Eiður Ben, annar af þjálfurum Vals var hæstánægður með sigurinn gegn Stjörnunni í kvöld.

Mynd: Fótbolti.net - Hafliði Breiðfjörð

„Ótrúlega ánægður að koma hingað og taka þrjú stig, þetta er að mínu mati lang þriðja-besta liðið í deildinni og þær eru búnar að vera frábærar undanfarið og við vissum að þetta yrði bara mjög erfiður leikur. Eina sem skipti máli var að taka þessi þrjú stig" sagði Eiður Benedikt Eiríksson, annar af þjálfurum Vals eftir 2-0 sigur gegn Stjörnunni á Samsungvellinum í kvöld.

Leikurinn var heldur rólegur og lítið af færum framan af. Það hlýtur því að hafa verið ákveðinn léttir að ná inn fyrsta markinu á 72. mínútu.

„Já, sérstaklega þegar það kemur svona, hún átti ekkert að taka þetta hlaup. Stundum þarf eitthvað óvænt og það kom þarna. Auðvitað er maður bara hæstánægður með það."

Lestu um leikinn: Stjarnan 0 - 2 Valur

Undanúrslitaleikurinn í bikarnum gegn Blikum á föstudaginn leggst vel í Eið.

„Við vorum skipulagðar í dag og Stjörnuliðið sem er búið að vera frábært undanfarið vann að mínu mati Blikana sannfærandi um daginn og þær fengu ekki mörg færi hjá okkur í dag. Þannig varnarlega vorum við þéttar. Tempóið á boltanum hefði mátt vera betra stundum og ákvörðunartökur á síðasta þriðjung. Það má ekki gleyma því að þetta er hörkuvörn og hörkuþétt lið sem við vorum að mæta hérna í dag og það er bara erfitt að spila á móti þessum liðum," sagði Eiður.

Það hefur vakið töluverða athygli að Anna Úrsúla Guðmundsdóttir hafi verið varamarkmaður Vals í síðasta leik og núna í þessum. Hún verður þó ekki með þeim áfram í sumar.

„Þetta var seinni leikurinn, hún ætlaði að taka tvo leiki. Málið er að við erum með fjóra markmenn. Sandra er í markinu, við erum með Auði lánaða hjá ÍBV, svo erum við með stelpu í láni hjá KH, síðan erum við með stelpu sem var í u17 verkefni í Danmörku. Þannig í staðinn fyrir að kalla Aldísi úr KH eða Auði og kannski svolítið skemma fyrir þeim möguleikann á að spila í júlí, þá ákváðum við að gera þetta og bara sem betur fer eigum við jafn frábæra manneskju og Önnu Úrsölu í Val," sagði Eiður að lokum.