England um helgina - Er Salah búinn að spila sinn síðasta leik?

16. umferð ensku úrvalsdeildarinnar fer fram um helgina. Þetta er síðasta umferðin áður en leikmenn fara á Afríkumótið sem fram fer í Marokkó næsta mánuðinn.

Mohamed Salah er í vandræðum eftir ummæli sín á dögunum og það gæti farið svo að ef hann verður ekki með Liverpool gegn Brighton á morgun, þá gæti hann hafa spilað sinn síðasta leik fyrir liðið.

Chelsea fær Everton og í heimsókn og topplið Arsenal fær botnlið Wolves í heimsókn í síðasta leik morgundagsins. Man City er aðeins tveimur stigum á eftir Arsenal en liðið heimsækir Crystal Palace sem er á fínu skriði.

Tottenham fær Nottingham Forest í heimsókn. Umferðinni lýkur á mánudaginn þar sem Man Utd fær Bournemouth í heimsókn.