Paul Heckingbottom, stjóri Preston North End, hefur verið dæmdur í þriggja leikja bann af enska fótboltasambandinu fyir ósæmilega hegðun í garð dómara.
Umrætt atvik átti sér stað fyrir leik Preston gegn Watford í nóvember en hann lét þar vel valin og ósæmilega orð falla í garð dómara.
Leiknum lauk með 1-1 jafntefli þar sem Mamadou Doumbia jafnaði metin fyrir Watford.
Heckingbottom gekkst við kærinu frá enska fótboltasambandinu og var hann í kjölfarið dæmdur til að greiða 10 þúsund pund í sekt ásamt því að vera dæmdur í þriggja leikja bann.
Þetta er í þriðja sinn á þessu ári sem Heckingbottom er dæmdur í bann, en hann fékk tveggja leikja bann í febrúar, sem var einmitt líka í kringum leikinn við Watford og síðan aftur í maí.
Heckingbottom verður ekki á hliðarlínunni í leikjunum gegn Oxford, Norwich og Stoke City.
Athugasemdir
