Uppalinn hjá KA og var fyrirliði liðsins þegar hann fór aftur norður undir lok ferilsins.
Var hjá Fram frá 2008 út 2013.
Á fimmtudag tekur KA á móti Fram í 16-liða úrslitum Mjólkurbikarsins. Þetta er annað árið í röð sem liðin mætast í bikarnum en á síðasta tímabili var það í 8-liða úrslitunum og höfðu verðandi bikarmeistarar í KA þá betur.
Almarr Ormarsson er með sterka tengingu við bæði lið, hann er uppalinn hjá KA og lék svo lengi með Fram á sínum ferli. Almarr var gestur í Innkastinu þar sem sjötta umferð Bestu deildarinnar var gerð upp og í lok þáttar var rætt um komandi bikarleiki.
Almarr Ormarsson er með sterka tengingu við bæði lið, hann er uppalinn hjá KA og lék svo lengi með Fram á sínum ferli. Almarr var gestur í Innkastinu þar sem sjötta umferð Bestu deildarinnar var gerð upp og í lok þáttar var rætt um komandi bikarleiki.
„Annað árið í röð sem þessi lið dragast saman. Þetta er leikurinn sem ég vildi alls ekki fá, nema kannski í úrslitaleiknum. Ég þoli ekki að horfa á þessa leiki, finnst það bara mjög óþægilegt. Ég er meiri KA maður og held meira með þeim í þessum leikjum, en þetta eru ekki skemmtilegir leikir fyrir mig. Mér finnst þetta óþægilegt," segir Almarr.
„Mér finnst þetta verra í deildinni, skiptir mig minna máli í bikarnum, þar fer bara annað liðið áfram og hitt dettur út, verður bara að hafa það."
„KA vann í fyrra, er ríkjandi bikarmeistari og mér finnst liðið verða að vinna þennan leik. Það er smá hikst á Fram akkúrat núna. Þetta er leikur fyrir KA að reyna halda bikarpartíinu áfram og reyna að fá það með sér í deildina líka," segir Almarr.
Hann lék með KA tímabilin 2005-2008 og svo aftur 2016-17 og loks 2019-20. Hann kom í Fram sumarið 2008 og var þar út tímabilið 2013 þegar hann varð bikarmeistari með liðinu og hélt svo í KR.
Athugasemdir
