Fótbolti.net

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

Gylfi vonast til að vera mættur til að vera í landsliðinu - „Vonandi sem lengst“

Jökull: Sumt var full harkalegt

Adolf Daði: Ber miklar tilfinningar til Stjörnunnar

Jói Kalli: Skiptir máli þegar deildin byrjar

Arnar: Þurfum að taka doktorsprófið í að verða alvöru lið

Siggi Höskulds: Megum ekki vera svona barnalegir í sumar

Gummi Tyrfings: Við slökktum í þeim frá fyrstu mínútu

Allur pakkinn dró Djuric norður - „KA er stórveldið á Akureyri"

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

fim 13. júlí 2023 15:30

Sæbjörn Þór Þórbergsson Steinke

Amanda Andradóttir: Ætlaði alltaf í Val

Amanda á landsliðsæfingu í dag.

Mynd: Fótbolti.net - Hafliði Breiðfjörð

Í leik með Kristianstad.

Mynd: Kristianstad

Í morgun var tilkynnt að Amanda Andradóttir væri orðin leikmaður Vals. Landsliðskonan, sem er nítján ára gömul, kemur frá Kristianstad í Svíþjóð.

Hún lék með yngri flokkum Vals en fór til Danmerkur áður en hún náði að leika fyrsta leik með meistaraflokki og frá Danmörku hélt hún til Noregs og svo Svíþjóðar.

„Ég held að þetta sé það besta fyrir mig akkúrat núna. Það eru mjög spennandi leikir framundan hjá Val, bæði í deildinni og síðan eru leikir um að komast í Meistaradeildina. Ég er búin að vera spila lítið úti."

„Maður er auðvitað alltaf svekktur þegar maður spilar lítið. Það er erfitt fyrir mig að segja (ástæðuna fyrir því), ég mæti bara alltaf á æfingar og reyni að vera betri og sýna að ég eigi skilið að spila."

„Já, eiginlega (var Valur fyrsti kostur), ef ég ætlaði að koma heim þá ætlaði ég alltaf í Val. Ég var í yngri flokkunum í Val og leið alltaf mjög vel þar. Ég talaði bara við Val á Íslandi, ég hefði alveg getað verið áfram úti en mig langaði að koma í Val núna."

„Mér líst vel á að vera komin til Íslands, hef náttúrulega ekki spilað leik í meistaraflokki á Íslandi, þannig það verður gaman að prófa það. Ég held þetta sé öðruvísi en í Svíþjóð, deildin úti er náttúrulega aðeins sterkari en deildin hér er mjög jöfn og ég er bara mjög spennt að byrja spila."

„Ég talaði um þetta við fjölskylduna og svona, það er aðallega þau (sem hjálpuðu við þessa ákvörðun). Ég þekki einhverjar sem eru að spila með Val og eru hér í landsliðinu. Síðan æfði ég smá með meistaraflokknum áður en ég fór út."

Amanda var til viðtals fyrir leikinn gegn Finnlandi sem fram fer á Laugardalsvelli annað kvöld. Leikurinn hefst klukkan 18:00 á Laugardalsvelli.

„Leikurinn leggst mjög vel í mig, verður hörkuleikur, Finnland er með gott lið og fínn æfingaleikur fyrir leikina í haust."

Amanda sagði að landsliðsþjálfarinn væri búinn að tilkynna liðið. „Maður vonast alltaf til að spila," sagði hún en gaf ekkert uppi hvort hún myndi byrja.

„Fyrst og fremst skiptir frammistaðan máli, en við viljum náttúrulega alltaf vinna," sagði Amanda að lokum.