„Blendnar tilfinningar; ánægður með markið og svekktur með úrslitin," sagði Orri Steinn Óskarsson, markaskorari íslenska landsliðsins, eftir jafntefli gegn Lúxemborg í undankeppni EM í kvöld.
Markið kom í fyrri hálfleik eftir fyrirgjöf frá Arnóri Sigurðssyni.
Markið kom í fyrri hálfleik eftir fyrirgjöf frá Arnóri Sigurðssyni.
Lestu um leikinn: Ísland 1 - 1 Lúxemborg
„Bara framherjamark, maður verður að koma sér inn í teiginn og ég sá að Hákon og Arnór voru búnir að spila vel fram. Ég tók bara sprettinn og var réttur maður á réttum stað."
„Ótrúleg, gæsahúð um allan líkamann og mikið stolt, það var ótrúlegt."
Íslenska liðið var að spila frábærlega í fyrri hálfleik og fremstu menn að tengja vel saman. Hvernig var að vera hluti af því?
„Það er auðvitað bara geggjað þegar sóknarlínan er að fúnkera og samböndin eru að smella saman. Það var mjög góð tilfinning og auðveldar alla hlutina. Við vorum líka að ná að stjórna þeim með pressunni okkar og náum að ýta þeim alla leið niður á þeirra vallarhelming."
Hvað breytist svo?
„Það er erfitt að segja, það var stundum aðeins of langt á milli okkar og þeir náðu upp einhverju spili. Þá þurftum við að fara að hlaupa meira og þá verður þetta auðvitað erfiðara fyrir okkur. Síðan var þetta svekkjandi mark í byrjun seinni hálfleiks. Já, það má alveg segja það (kjaftshögg). Gerðist í byrjun seinni hálfleiks og við erum nýkomnir með vindinn í andlitið á okkur. Það var þungt."
Orri var tekinn af velli um miðbik seinni hálfleiks. „Að sjálfsögðu svekktur, langar alltaf að spila 90 mínútur. Það er bara eins og það er, ég treysti Åge alltaf og hann tekur ákvarðanirnar," sagði Orri.
Viðtalið í heild má sjá í spilaranum efst.
