Eggert Aron kemur inn í A-landsliðið.
Eggert Aron Guðmundsson, leikmaður Brann í Noregi, hefur verið kallaður inn í leikmannahóp A-landsliðsins fyrir leikinn við Úkraínu í Varsjá á sunnudag.
Eggert á tvo leiki með A landsliðinu – vináttuleiki í janúar á síðasta ári.
Eggert á tvo leiki með A landsliðinu – vináttuleiki í janúar á síðasta ári.
Eggert kemur inn í hópinn í staðinn fyrir Mikael Anderson sem ferðaðist ekki til móts við landsliðið vegna meiðsla.
Eggert skoraði í sigri U21-landsliðið gegn Lúxemborg í kvöld en hann flýgur beint til Póllands og tekur þátt í undirbúningnum fyrir leikinn gegn úkraínska liðinu. Sá leikur verður úrslitaleikur um sæti í umspilinu fyrir HM.
Hann hefur spilað hörkuvel með Brann á tímabilinu, meðal annars í Evrópudeildinni þar sem liðið hefur verið að ná öflugum úrslitum.
Athugasemdir
