Rob Edwards þjálfari Wolves var sársvekktur eftir dramatískt tap hjá botnliði Wolves gegn toppliði Arsenal á Emirates leikvanginum í kvöld.
Úlfarnir gerðu jöfnunarmark á 90. mínútu en Arsenal náði að pota inn sigurmarki á 94. mínútu, þegar Yerson Mosquera skallaði boltann í eigið net.
„Strákarnir gáfu allt í þetta en við töpuðum öðrum fótboltaleik. Okkur leið þægilega stærsta hluta leiksins og strákarnir höfðu trú á leikplaninu. Þeir sýndu mikið hugrekki til að jafna leikinn en svo vörðust þeir ekki nógu vel stuttu síðar. Það er ástæðan fyrir að við erum á botni deildarinnar, við verðum að verja markið betur en við erum að gera," sagði Edwards.
„Ég er mjög stoltur af strákunum og þetta er verulega sárt tap. Við erum búnir að tapa alltof mörgum leikjum en ég er ánægður með frammistöðuna í dag. Ég finn til með stuðningsmönnum og vil þakka þeim fyrir að leggja í þetta ferðalag hingað á þessum tíma kvölds.
„Við setjum einbeitinguna á næsta leik og náum vonandi að snúa slæma genginu við. Við þurfum að sigra til að öðlast meira sjálfstraust."
Úlfarnir eru aðeins með tvö stig eftir 16 umferðir og ef þeir halda áfram að tapa gætu þeir bætt úrvalsdeildarmet fyrir lægsta stigafjölda í sögu keppninnar. Derby County fékk 11 stig úr deildartímabilinu 2007-08.
Tolu Arokodare skoraði jöfnunarmark Wolves í leiknum áður en þeir fengu sigurmarkið á sig og var mjög svekktur eftir lokaflautið.
„Þetta er mjög sárt, við erum alltaf að lenda í þessu. Við erum búnir að tapa alltof oft útaf því að við fáum mark á okkur á lokamínútunum. Þetta er grátlegt," sagði Arokodare meðal annars.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 22 | 15 | 5 | 2 | 40 | 14 | +26 | 50 |
| 2 | Man City | 22 | 13 | 4 | 5 | 45 | 21 | +24 | 43 |
| 3 | Aston Villa | 22 | 13 | 4 | 5 | 33 | 25 | +8 | 43 |
| 4 | Liverpool | 22 | 10 | 6 | 6 | 33 | 29 | +4 | 36 |
| 5 | Man Utd | 22 | 9 | 8 | 5 | 38 | 32 | +6 | 35 |
| 6 | Chelsea | 22 | 9 | 7 | 6 | 36 | 24 | +12 | 34 |
| 7 | Brentford | 22 | 10 | 3 | 9 | 35 | 30 | +5 | 33 |
| 8 | Newcastle | 22 | 9 | 6 | 7 | 32 | 27 | +5 | 33 |
| 9 | Sunderland | 22 | 8 | 9 | 5 | 23 | 23 | 0 | 33 |
| 10 | Everton | 22 | 9 | 5 | 8 | 24 | 25 | -1 | 32 |
| 11 | Fulham | 22 | 9 | 4 | 9 | 30 | 31 | -1 | 31 |
| 12 | Brighton | 22 | 7 | 9 | 6 | 32 | 29 | +3 | 30 |
| 13 | Crystal Palace | 22 | 7 | 7 | 8 | 23 | 25 | -2 | 28 |
| 14 | Tottenham | 22 | 7 | 6 | 9 | 31 | 29 | +2 | 27 |
| 15 | Bournemouth | 22 | 6 | 9 | 7 | 35 | 41 | -6 | 27 |
| 16 | Leeds | 22 | 6 | 7 | 9 | 30 | 37 | -7 | 25 |
| 17 | Nott. Forest | 22 | 6 | 4 | 12 | 21 | 34 | -13 | 22 |
| 18 | West Ham | 22 | 4 | 5 | 13 | 24 | 44 | -20 | 17 |
| 19 | Burnley | 22 | 3 | 5 | 14 | 23 | 42 | -19 | 14 |
| 20 | Wolves | 22 | 1 | 5 | 16 | 15 | 41 | -26 | 8 |
Athugasemdir
