Gomez þurfti hins vegar að fara af velli í fyrri hálfleik vegna meiðsla og Salah kom inná í hans stað.

Ekitike var nálægt því að bæta við marki eftir hálftíma leik en hann skaut rétt framhjá eftir undirbúning Dominik Szoboszlai, Florian Wirtz og Salah.

Liverpool vildi sjá rautt spjald á Diego Gomez þegar hann sparkaði í bringuna á Wirtz undir lok fyrri hálfleiks en gult spjald var niðurstaðan.

Gomez hefði átt að jafna metin þegar hann skaut í hliðarnetið á opið markið.

Þegar hálftími var til loka venjulegs leiktíma innsiglaði Ekitike sigur Liverpool þegar hann skallaði boltann í netið eftir hornspyrnu frá Salah.

Federico Chiesa var mjög óeigingjarn í blálokin og sendi erfiða sendingu á Salah sem skóflaði boltanum yfir markið.

Cole Palmer var í byrjunarliði Chelsea gegn Everton eftir að hafa misst af leik gegn Atalanta í vikunni vegna meiðsla. Hann kom Chelsea yfir eftir góða stungusendingu frá Malo Gusto.

Alejandro Garnacho komst í dauðafæri stuttu seinna en skaut framhjá á opið markið. Everton sótti hart að marki Chelsea seinni hluta fyrri hálfleiks en Gusto bætti við öðru marki Chelsea í uppbótatíma fyrri hálfleiks.

Chelsea var með yfirhöndina í seinni hálfleik en fleiri urðu mörkin ekki.

Liverpool 2 - 0 Brighton
1-0 Hugo Ekitike ('1 )
2-0 Hugo Ekitike ('60 )

Chelsea 2 - 0 Everton
1-0 Cole Palmer ('21 )
2-0 Malo Gusto ('45 )