Kylian Mbappe var ónotaður varamaður þegar Real Madrid tapaði gegn Man City í Meistaradeildinni í vikunni þar sem hann var að glíma við meiðsli.
Hann er hins vegar byrjaður að æfa og gæti komið við sögu þegar liðið mætir Alaves á morgun.
Hann er hins vegar byrjaður að æfa og gæti komið við sögu þegar liðið mætir Alaves á morgun.
Mbappe meiddist á læri í tapi gegn Celta Vigo um síðustu helgi en var samt sem áður í hópnum gegn Man City. Það er gríðarlega mikilvægt fyrir Madrídínga að endurheimta Mbappe þar sem liðið er í miklum vandræðum.
Xabi Alonso er undir mikilli pressu og gæti leikurinn gegn Alaves verið hans síðasti.
Antonio Rudiger var einnig tæpur fyrir leikinn á morgun en hann verður klár í slaginn og byrjar líklega ásamt Raul Asencio og Dean Huijsen sem eru einu varnarmenn liðsins sem eru heilir heilsu.
Athugasemdir
