KA tilkynnti í dag að danski miðjumaðurinn Marcel Römer væri genginn í raðir félagsins. Fótbolti.net greindi frá viðræðunum við Römer í síðustu viku.
Römer er 33 ára sem kemur til KA frá Lyngby í dönsku úrvalsdeildinni en þar var hann fyrirliði.
„Það er ljóst að það er mikil styrking að fá Rømer í lið okkar en hann hefur leikið rúmlega 250 leiki í efstu deild í Danmörku og hefur verið leiðtogi í sterku liði Lyngby," segir í tilkynningu KA.
Römer er 33 ára sem kemur til KA frá Lyngby í dönsku úrvalsdeildinni en þar var hann fyrirliði.
„Það er ljóst að það er mikil styrking að fá Rømer í lið okkar en hann hefur leikið rúmlega 250 leiki í efstu deild í Danmörku og hefur verið leiðtogi í sterku liði Lyngby," segir í tilkynningu KA.
Römer getur spilað sem varnarsinnaður miðjumaður eða sem miðvörður. Hann hefur á sínum ferli leikið með HB Köge, Viborg, SönderjyskE og svo með Lyngby frá árinu 2019.
Hann lék á sínum tíma átta leiki með yngri landsliðum Danmerkur og gerði í þeim leikjum eitt mark.
„Við erum virkilega spennt fyrir komu Rømers hingað norður og ljóst að hann mun bæði styrkja liðið sem og færa mikilvæga reynslu inn í hópinn en spennandi verkefni eru framundan en bikarmeistarar KA leika í Evrópukeppni í sumar og þá hefur KA leik í Mjólkurbikarnum á föstudaginn þegar KFA mætir norður á Greifavöllinn."
KA er með eitt stig eftir fyrstu tvo leiki sína í Bestu deildinni.
Komnir
Jóan Símun Edmundsson frá N-Makedóníu
Marcel Römer frá Lyngby
Jonathan Rasheed frá Svíþjóð (frá út tímabilið)
William Tönning frá Svíþjóð
Guðjón Ernir Hrafnkelsson frá ÍBV
Ingimar Torbjörnsson Stöle frá FH (var á láni)
Bjarki Fannar Helgason keyptur frá Hetti/Hugin (lánaður til baka)
Farnir
Daníel Hafsteinsson í Víking
Sveinn Margeir Hauksson í Víking
Elfar Árni Aðalsteinsson í Völsung
Harley Willard á Selfoss
Kristijan Jajalo til Austurríkis
Darko Bulatovic til Svartfjallalands
Athugasemdir
