Eins og fjallað hefur verið um þá mætir Víkingur liði Levadia Tallinn frá Eistlandi í undanúrslitum umspilsins fyrir forkeppni Meistaradeildarinnar 21. júní.
Sigurliðið leikur svo til úrslita þremur dögum síðar við lið frá San Marínó eða Andorra um sæti í forkeppninni. Umspilið fer fram á Víkingsvelli.
Sigurliðið leikur svo til úrslita þremur dögum síðar við lið frá San Marínó eða Andorra um sæti í forkeppninni. Umspilið fer fram á Víkingsvelli.
Nú rétt í þessu var dregið í fyrstu umferð forkeppni Meistaradeildarinnar og þá kom í ljós hverjum Víkingar munu mæta ef þeir vinna umspilið.
Þeir fengu erfiðasta mögulega dráttinn og munu mæta sænska stórliðinu Malmö. Þjálfari sænska meistaraliðsins er Milos Milojevic, fyrrum þjálfari Víkinga.
Alfons Sampsted og félagar í Bodö/Glimt mæta KÍ Klaksvík frá Færeyjum.
Ef Víkingar vinna ekki komandi umspil fara þeir inn í 2. umferð í forkeppni Sambandsdeildar Evrópu en dregið verður í hana síðar. Ef Víkingar falla út í 1. umferð forkeppni Meistaradeildarinnar færast þeir einnig niður í Sambandsdeildina.
Auðvitað. Hversu óheppin ætla íslensk lið að verða í CL first round? Þetta er ekki hægt!
— Tómas Þór Þórðarson (@tomthordarson) June 14, 2022
Athugasemdir