Andri í leik gegn Val á síðustu leiktíð.
Sóknarmaðurinn Andri Rúnar Bjarnason gekk í raðir Vals í gær. Andri lék með ÍBV í fyrra en rifti samningi sínum eftir tímabilið. Hann er 32 ára sóknarmaður sem skoraði 10 mörk í 25 leikjum fyrir Eyjamenn á síðasta tímabili.
Framherjinn er 32 ára gamall og hefur skorað 31 mark í 65 leikjum í efstu deild. Hann fór í atvinnumennsku eftir tímabilið 2017 hjá Grindavík þar sem hann skoraði nítján mörk í 22 leikjum, mesti markafjöldi sem hefur náðst í efstu deild á einu tímabili.
Framherjinn er 32 ára gamall og hefur skorað 31 mark í 65 leikjum í efstu deild. Hann fór í atvinnumennsku eftir tímabilið 2017 hjá Grindavík þar sem hann skoraði nítján mörk í 22 leikjum, mesti markafjöldi sem hefur náðst í efstu deild á einu tímabili.
Andri var orðaður við Vestra og Grindavík í Lengjudeildinni áður en hann gekk í raðir Vals, en hann hefur tengsl við þau félög bæði. Hann er uppalinn hjá Vestra en hefur einnig leikið með Grindavík á sínum ferli.
En það var bara Vestri sem kom til greina ef hann hefði farið í Lengjudeildina núna.
„Ég er löngu búinn að segja við Samma (formann Vestra) að ég muni einhvern tímann spila aftur fyrir Vestra," sagði Andri í viðtali við Fótbolta.net í gær en Sammi sagði á dögunum að Andri myndi aldrei spila gegn Vestra í Lengjudeildinni.
„Hann hefði aldrei talað við mig aftur ef ég hefði farið í eitthvað annað lið í Lengjudeildinni. Ég sagði við hann að ef ég væri ekki að fara í eitthvað lið í toppbaráttunni þá myndi ég koma núna, en hugurinn var alltaf að fara í titilbaráttu."
Hægt er að sjá viðtalið við Andra Rúnar í heild sinni í spilaranum hér fyrir neðan.
Athugasemdir
